Boeing 737-800 iri guteranyirizwa Rwandair

Societe ya Boeing icuruza indege ejo yatangiye imirimo yo guteranya indege ya Boeing 737-800 izarangira mukwa 8 tariki 25 igahabwa u Rwanda nka Boeing yambere yuzuye u Rwanda ruzaba rutunze.

John Mirenge ukuriye Rwandair avuga ko ibyo kugura no kuzana ibikoresho bya Boeing batangiye guterateranyiriza muri Seattle (ku kicaro cya Boeing) byose biri kugenda neza.

“Nibyo koko Boeing izaduha iyi ndege yo ku rwego rwo hejuru tariki 25/08/2011, abanyarwanda 9 barangije amahugurwa muri America y’ibijyanye no gutwara iyi ndege nshya ya Boeing 737-800 ndetse hari n’abandi bazagenda nyuma, turiteguye” John Mirenge nibyo yakomeye atangaza.

Guterateranya iyi ndege byatangiye ejo ku wa kane, bikazafata iminsi igera kuri 11, imirimo igizwe no guteranya amababa y’iyi ndege, igice cyo hagati, ndetse n’ibindi  bice byi’ingenzi nka moteri ndetse n’amapine igusha yarangira ikohererezwa u Rwandair

Ushinzwe ubucuruzi muri Boeing Commercial Airplanes Mehrdad Khademi ati: “ Rwandair ni umukiriya mwiza wacu, ubu babaye abambere muri Africa mu gutumiza no gutunga Boeing 737-800 mu kirere”

Nyuma yo kuyiterateranya iyi ndege izahita itangira kugeragezwa kugendeshwa ku butaka no mu kirere mbere yo gutangira kugurukana abantu ibajyana amahanga.

Newtimes