Bodo na Pierrot bahaye intsinzi Rayon imbere ya Sunrise FC
Amakipe yombi yabanje kurangiza igice cya mbere anganya 0 – 0
Igice cya mbere cy’uyu mukino w’umunsi wa cyenda wa Shampionat wabereye kuri stade ya Muhanga kuri uyu wa gatanu Rayon Sports bayigoye cyane kureba mw’izamu rya Sunrise yari yayisuye. Gusa mu gice cya kabiri byaje gukunda Rayon ibona ibitego bibiri itahana amanota atatu.
Igice cya mbere amakipe yombi yasatiranye, Sunrise igerageza guhanahana neza ariko imbere y’izamu rya Rayon ntigire igikomeye ikora, Rayon Sports nayo yanyuzagamo igasatira ariko ntibashe gutsinda izamu rya Shaka Robert wa Sunrise.
Mu gice cya kabiri Kwizera Pierrot niwe wafunguye amazamu ku ruhande rwa Rayon Sports ku gitego yabonye ku burangare bw’abugarizi ba Sunrise basaga n’abagihugiye mu gikorwa cyo gusimbuza cyari kibayeho ku munota wa 61.
Pierrot ukomoka i Burundi yatsinze igitego ku mupira yari ahawe na Rukundo JMV
Umusifuzi akimara kuzamura ko yongeyeho iminota ine, uwo hari ku munota wa 90, Ndikumana Bodo yasunikiwe umupira nabwo na Rukundo Jean Marie Vianney maze aca kubugarira ba Sunrise ababonamo igitego biba bibiri umukino urangira utyo.
Uyu mukino watumye Rayon Sports igira amanota 18 ubu inganya n’ikipe ya mbere ya AS Kigali gusa yo ikaba izigamye ibitego 12 mu gihe Rayon izigamye ibitego birindwi.
Imikino y’umunsi wa cyenda:
Kuwa gatanu06/11/ 2015
Rayon Sports 2 – 0 Sunrise Fc
Kuwa gatandatu 07/11/2015
Rwamagana City FC 0-1 Gicumbi FC
Musanze FC vs AS Kigali (wimuwe kubera imvura nyinshi)
APR Fc 3-1 AS Muhanga
Amagaju FC 0-0 Etincelles
Bugesera Fc 1-0 Marines FC
Police FC 1-1 SC Kiyovu
Espoir FC 0-0 Mukura VS
UM– USEKE.RW
English
9 Comments
mukomereze aho bahungu. igikombe mukizane
ni cacu tugomba kugitwara turi tayari ooooooooooooooohyeeeeeeeeeeeeeee
Ohhhh rayon uri gikundiro koko
Nje Ndasaba Ngo Munyereke Amafoto Ya Kasijye,bodo na Pierrot.
Nshaka Amafoto Ya Kasijye,bodo,na Pierrot.
kbs courage basore bacu
Nyamara iyi kipe badaha amairwe izabatungura. Reka tuzarebe retour niduhura na AS Kigali uko bizagenda. Izaba ari Finale.
Abazi imibare mumfashe ahandi tugire amakipe yacu inama:
Wishyuje amafaranga igihumbi(1.000 RWf) hakinjira abafana ibihumbi icumi kuri match,wakishyuza bibiri(2.000 RWf) hakinjira abafana ibihumbi bitatu ni ryari waba uhomba ?ni ryari waba uri mu nyungu?Ubu Rayon ntirabonako kwishyuza bibiri bitari mu bushobozi bw’abakunzi ba ruhago mu Rwanda, ndetse n’abafana bayo itayobewe ubushobozi bwa bo?Think bigger,guys!
Njye nababwiye ko abanyamakuru ba umuseke.rw muri abafana ba rayon kandi ntabwo ari byiza kubogama,ubwose ko mutashyizeho ko na apr fc yatsinze ndetse byinshi kurusha rayon cyangwa nizindi zatsinze! nyamara iyo apr fc itsinzwe nibwo mushyiraho inkuru zayo zikamaraho umwaka mutarazikuraho,shame on you umeseke.
Comments are closed.