Batandatu bazahagararira Amajyaruguru muri MissRwanda 2017

Joel Rutaganda
01/15/2017

Igikorwa cyo gutoranya nyampinga w’u Rwanda ku nshuro ya gatandatu cyatangijwe ku itariki ya 14 Mutarama 2017, gihera mu ntara y’Iburengerazuba mu karere ka Rubavu. Iki gikorwa cyakomereje mu karere ka Musanze mu ntara y’Amajyaruguru kuri iki cyumweru tariki ya 15 Mutarama 2017.

Abakobwa batandatu bazahagararira intara y’amajyaruguru muri MissRwanda 2017

Muri iyi ntara hiyandikishije abakobwa bagera kuri 24. Muri abo bose, abagera ku 10 gusa nibo bashoboye kugera ahagombaga kubera aya majonjora babiri muri bo basanga batujuje ibisabwa basezererwa mu irushanwa hasigara umunani gusa.

Muri abo, Umutoni Josiane, Mukunde Laurette, Mutagoma Diane, Uwimbabazi Adeline, Umutsinzi Winnie na Umwali Aurore nibo babonye amahirwe yo gukomeza mu kiciro cya kabiri kizitabirwa na 25 bavuye mu ntara zose bazavamo 15 bajyanwa muri Bootcamp.

Nk’uko iri rushanwa ribigenga, rivuga ko buri ntara igomba kugira umubare w’abakobwa batanu bagomba bayihagarariye. Ariko bidakuraho ko umubare wakwiyongera bijyanye n’imyitwarire y’abakobwa imbere y’abagize akanamankemurampaka.

Mu bantu batandukanye bagiye baganira na Umuseke mbere yuko iki gikorwa gitangira, bavuze ko irushanwa rya MissRwanda rifite uruhare runini mu guteza imbere umwari w’u Rwanda no kuba ritinyura bamwe kuvugira imbere y’imbaga.

Aho wasangaga mu myaka yashize umukobwa iyo yabaga yararangije kwiga amashuri yisumbuye icya mbere yatekerezaga byari ugushaka umugabo.

Ariko bitandukanye cyane n’ubu ko abakobwa basigaye bumva ko bafite imbaraga ndetse n’ubushobozi bwo kuba hari uburyo bahinduramo ubuzima bwabo batabukesheje abagabo babo.

Habarugira Jean Marie Vianney ukora ubucuruzi mu isoko rikuru rya Musanze, yavuze ko iyi ntara imaze kumenyekana cyane aho hasigaye haberamo ibikorwa by’imyidagaduro bitandukanye.

“Umujyi wacu urashyushye cyane mu myaka itatu cyangwa ibiri ishize. Kuko igikorwa cya MissRwanda cyatumye iyi ntara imenyekana kubera Miss Kundwa Doriane wabaye nyampinga aturuka muri iyi ntara muri 2015”– Habarugira

Uyu mugabo uri mu kigero cy’imyaka 42, avuga ko uretse MissRwanda n’ibindi bikorwa nka Guma Guma biri mu bituma abatuye iyi ntara bagira umwanya wo kwidagadura.

Uko igikorwa cyagenze mu mafoto.

Mu bakobwa 10 bari baje guhatanira imyanya itanu ya mbere, babiri basezerewe kubera kutuzura 1.70m aribwo buburebure busabwa kuba wakwitabira iri rushanwa.

Aba ni abahageze ariko bataremererwa gutambuka

Uburebure bwanze biba ngombwa ko atitabira iri rushanwa

Umuhoza Sharifa wahagarariye iyi ntara muri 2016 akaza kwegukana umwanya w’igisonga cya kane

Mike Karangwa, Turatsinze Glycerie wungirije inama nkuru y’abagore mu karere ka Musanze

Abakobwa bamaze gutombora numero bari bukurikiranireho

Uwera Nice niwe uje bwa mbere kwiyerekana

Mukunde Laurette niwe waje ku mwanya wa kabiri mu bakobwa bacaga imbere y’abajudges

Turatsinze Glycerie yazamuye iki cyapa yereka umukobwa ko yanyuzwe n’ibisobanuro bye

Diane aha yari ategereje ibibazo agomba kubazwa akabisubiza

Umutsinzi Winnie yaje yambaye umubare kane

Mutagoma Diane ngo Se umubyara niwe muntu umuha ireme ry’uburezi

Abatanga amanota bo akazi karakorwa neza

Umwali Aurore yavuze ko yiteguye guteza imbere urubyiruko rwo mu ntara y’Amajyaruguru

Aha yishimiraga uburyo ahawe amahirwe yo kuba yatambuka

Andrew Kareba urimo kuyobora ibi bikorwa mu ntara birimo kugenda biberamo

Umutoni Josiane ni umunyeshuri mu mwaka wa mbere muri NUR ishami ry’ubuvuzi

Uwimbabazi Adeline avuga ko aramutse abonye amahirwe yo gutambuka mu bakobwa 5 afite byinshi yahindura ku ntara ye mu bijyanye n’iteranbere ry’urubyiruko

Uko ari umunani babanje kwifotoranya na Sharifa anababwira ko bagomba kwigirira ikizere

Nyuma yo kwiyerekana banyura imbere y’abagize akanamankemurampaka, aba nibo babashije gutambuka bakazahagararira iyi ntara mu irushanwa rya nyampinga w’u Rwanda 2017.

Aba nibo bashoboye guhabwa itike ibajyana muri 25 barimo gutoranywa mu ntara enye n’umujyi wa Kigali

Biteganyijwe ko iri rushanwa rizakomereza i Huye mu Ntara y’Amajyepfo ku itariki ya 28 Mutarama 2017 nyuma rikazerekeza Iburasirazuba.

Joel Rutaganda

UM– USEKE.RW

Share this: