Basket: Zone V yegukanywe na Gezira kuri 75-73 ya City Oilers
Gezira yo mu Misiri iherutse kwihaniza bikomeye CSK iyitsinda iyikibye kabiri mu manota, ibidakunze kubaho mu mikino y’abagabo
Ikipe Gezira ya Misiri itsinze umukino wayihuje na City Oilers yo muri Uganda mu mukino wabereye kuri Stade nto Amahoro i Remera kuri iki Cyumweru taliki ya 10, Ukwakira, 2015.
Uyu mukino watangiye City Oilers irusha Gezira ariko uko iminota yashiraga niko Gezira yagendaga yigaranzura City Oil.
Uyu mukino waje kurangira Gezira itsinze City Oilers ku manota 75 kuri 73.
Gezira yo mu Misiri yari itaratsindwa na rimwe mu minsi ine yakinnye ya Zone V iri kubera i Remera.
Espoir y’umutoza John Bahufite yazamutse mu itsinda A ari iya kabiri kuko yari yatsinzwe na City Oilers yo muri Uganda, bituma uyu munsi muri kimwe cya kabiri iza guhura na Gezira yazamutse ari iya mbere mu itsinda B.
Nyuma y’imikino mu matsinda yasojwe kuri uyu wa kane nijoro, Espoir yahabwaga amahirwe mu makipe yari ahagarariye u Rwanda mu bagabo yaje gutsindwa na Gezira.
Mu bagore, mu itsinda rimwe riri mu irushanwa ry’amakipe atandatu, Ubumwe BBC yabaye iya kane, APR BBC ni iya gatanu yo yanatsinzwe imikino ine yose. Aya niyo yari ahagarariye u Rwanda.
Mu bagore ikipe ya Berco Stars y’i Burundi niyo yabaye iya mbere ikazahagararira aka karere mu marushanwa nyafrika.
Mu bagabo Gezira izahagararira Zone V mu marushanwa nk’aya ku rwego rwa Africa azabera muri Angola umwaka utaha.
UM– USEKE.RW
English