“Audio ya Kanda amazi nitsinda irushanwa kizafatwe na Maliva”- Clement

Nyuma yo guterana amagambo menshi ku ndirimbo ‘Kanda amazi’ ubusanzwe yitwaga ‘Imitobe’ yanditswe na Producer Maliva akaza kuyiha abahanzi asanzwe yandikira indirimbo ari bo ‘Two 4 real’ ndetse n’abahanzi bakorera muri Kina Music, Clement aratangaza ko umunsi yatsinze irushanwa iryo ari ryo ryose igihembo kizafatwa na Maliva.

Ibi Clement  yabisonuye mu magambo macye nyuma yo kuvugwaho cyane ko Kina Music yaba yarashishuye iyi ndirimbo ya Maliva kandi ari we wayibahaye n’ubwo ibyo bari bumvikanye bitagenze uko byagombaga kugenda bikaza gutuma ashora n’urubanza.

Mu kiganiro n’abanyamakuru, aba producers n’aba Djs umuyobozi wa Kina Music ari we Ishimwe Clement ubwo hatorwaga abahanzi bazitabira Salax Award yatangaje ko amashusho y’indirimbo ‘Kanda amazi’ umunsi yatwaye irushanwa igihembo kizahabwa Kina Music, n’aho umunsi Audio yatsinze igihembo kizafatwa na Maliva ndetse na Two 4 Real.

Clement yakomeje atangaza ko nta mpamvu yo kugira icyo upfa na mugenzi wawe muhuriye ku mwuga , ahubwo ko mwakabaye mwungurana ibitekerezo aho gusebanya cyangwa se kurwanya  iterambere rya mugenzi wawe.

Joel Rutaganda
ububiko.umusekehost.com