AS Kigali yakomeje nyuma yo kunganya na Academy Tchite

Ikipe ya AS Kigali ibonye itike yo gukomeza mu cyiciro gikomeza mu marushanwa  ya CAF Confederation Cup nyuma yo kunganya na Academy Tchite i Bujumbura igitego kimwe kuri kimwe.

Mu mukino ubanza i Kigali ikipe iyobowe na Cassabungo Andre yari yabashije kwitwara neza aho yatsinze igitego kimwe ku busa  Abarundi

Iki gitego kinjijwe na rutahizamu Ndikumana Bodo ukomoka mu gihugu cy’Uburundi.

Umukino watangiye ikipe ya Academy Tchite ifite ishyaka ryinshi ubona ko nayo ishaka kwishyura ariko  ikipe ya AS Kigali yayibereye ibamba.

Amakipe yombi arangiza igice cya mbere nta imwe ibashije kunyeganyeza irucundura rw’indi.

Ibintu byaje guhinduka mu gice cya kabiri ubwo ikipe ya Academy Tchite yafunguraga amazamu ariko abasore Cassabungo ntago bacitse intege kuko Kapiteni wabo Jimmy Mbaraga yahise yishyura maze amakipe yombi anganya kimwe kuri kimwe.

Ikipe ya AS Kigali ntago byaje kuyihira kuko yabonye n’uburyo bwa penaliti ariko rutahizamu Jimmy Mbaraga akayihusha.

Kubera impamba y’ibitego bibiri AS Kigali yari yibikiye byatumye iba ikipe yoyine y’u Rwanda izakomeza  mu marushanwa y’Afurika kuko ikipe ya  Rayon Sport yo yamaze gusezerwa kuri uyu wa Gatandatu  ubwo yanganyaga na AC Leopards ibitego bibiri kuri bibiri mu mukino wabereye kuri Stade Amahoro i Remera.

JD Nsengiyumva Inzaghi

ububiko.umusekehost.com