APR ikomeje imyiteguro y'umukino na Gicumbi FC

Ikipe ya APR iri mu myiteguro ya marushanwa ya Trubo King National League kuri uyu wa Kane yakomeje imyitozo ubwo yitegura gukina na Gicumbi kuri iki Cyumweru mu Karere ka Gicumbi.

Umukinnyi Tibindana Charles  yabwiye UM– USEKE ko ubu imyitozo igenda neza.

Yagize ati “imyitozo imeze neza. Ubu duhagaze neza ntitwifuza ko twagira inota dutakaza mu mikino isigaye.” Ku kibazo cy’uko bamwe mu bakinnyi bashobora kuba bafite imvune zababuza gukina neza.”

Tibingana Charles avuga ko impungenge zihari ari iz’umukinnyi umwe ufite imvune itarakira neza uwo akaba ari Emmery Bayisenge.

Ikindi Tibingana abona nk’imbogamizi ariko ngo idakomeye ni iy’uko umukinnyi  Endwer Butera afite amakarita abiri y’umuhondo bikazamubuza gukina uriya  mukino wa gicumbi uzaba kuri icyi cyumweru.

Ku kibazo cy’uko ikibuga cy’ i Gicumbi cyitameze neza, Tibingana Charles yagize ati “twumvise ko ikibuga cyaho kitameze neza ariko ibyo ntitwabigira urwitwazo.

Mu by’ukuri intego ya mbere itujyanye i Gicumbi nukuhakura amanota atatu kuko duhagaze neza.” Uyu mukino uzahuza APR FC na Gicumbi uzaba kuri iki cyumweru  kuri 16, Gashyantare ubere i Gicumbi.

Dore uko imikino iteganyijwe: guhura ku munsi wa 18 wa Shampiyona,

Ku Cyumweru taliki ya 16, Gashyantare 2014

-Gicumbi  VS APR bakinire i Gicumbi,

-Espoir VS Musanze  bakinire Rusizi,

– Amagaju VS Kiyovu bakinire i Nyamagabe,

–  Esperance VS Mukura bakinire ku Mumena,

– Marines VS Etincelles bakinire kuri Stade Umuganda.

NKOTANYI Damas 

ububiko.umusekehost.com