APR FC ku mwanya wa mbere imaze gutsinda Police FC
Kuri iki cyumweru ku munsi wa 17 wa shampiyonnat ikipe y’ingabo ya APR FC irangije iri ku mwanya wa mbere nyuma yo gutsinda ikipe ya Police FC igitego kimwe gitsinzwe na rutahizamu Sibomana Patrick bita Pappy.
Umukino watangiye ikipe ya APR FC yotsa igitutu cyane ba myugariro ba Police FC ariko abasore b’inyuma bari bahagaze neza cyane.
APR FC yahushije uburyo bwinshi aho rutahizamu Ndahinduka Michel Fils yabonaga amahirwe ariko imipira akayitera hejuru cyane y’izamu.
Police FC yakoreshaga cyane cyane “contre Attaque” zishingiye kuri Sina Jerome wavuye mu ikipe ya St Eloi Lupopo ntacyavuyemo cyane, uyu mukinnyi Sina akaba atigaragaje nk’uko benshi babimukekeragaho.
Igice cya mbere kirangira amakipe yombi nta nimwe ibashije kureba mu izamu.
Igice cya kabiri ikipe ya APR FC ubu iri gutozwa na Mashami Vicent kuko umutoza mukuru Andreas Spier yahanwe, yagarukanye ishyaka ryinshi nanone.
Iri shyaka aba bahungu barimo benshi bakiri bato ba APR ryaje no gutuma umusore Iranzi Jean Claude avunika ahita asimburwa na Sibomana Patrick bita Papy, uyu muhungu akinjira yagaragaje impinduka ndetse Police FC ikomeza kugorwa n’ubusatirizi bwa APR FC.
Tibingana Charles yamanukanye umupira ku munota wa 57 awuha Butera Andrew maze nawe asunikira Sibomana Pappy arekura ishoti rikomeye cyane umuzamu Ganza Alexis (Bebe) ntiyabona aho umupira uciye kiba kiranyoye.
Nyuma y’igitego cya mbere, bitandukanye n’ibisanzwe ku makipe menshi yo mu Rwanda, APR ntiyasubiye inyuma kugihagararaho, ahubwo aba bahungu bakomeje barasatira bashaka n’ibindi.
Ahagana mu mpera z’umukino Police FC yaje kwisubiraho ishaka kwishyura iki gitego ariko myugariro Nshutinamagara Ismael (Kodo) na Emery bayisenge bahaba ibamba.
Umukino warangiye APR FC itahanye amanota atatu byatumye irara ku mwanya wa mbere n’amanota 40 kuko mukeba wayo Rayon Sports itakinnye uyu munsi, yo ikaba yanganyirije muri Congo Brazzaville na AC Leopards.
Sina Jerome wakiniye bwa mbere Police FC nyuma yo kuvugwaho byinshi mbere yo kuyijyamo nta kintu yeretse abakunzi ba Police FC, iminota 90 yamaze mu kibuga nta mupira ugaragara yigeze atera mu izamu rya APR FC.
Photos/JD Inzaghi
JD Nsengiyumva Inzaghi
ububiko.umusekehost.com
English
0 Comment
cool basore courage
byizacyane, kubasore bacu , dufate imikino yose nka final
jyewe nishiye ko RPA itsinda nta nubwo ari igitangaza kuva yabaho ibyo nyayo kandi na banyarwanda batavangiye,uzi ko RPA yamenye ndi munyarwanda mbere ya Bihoki,nabazaga Ruhagoyacu ukuntu ishyira kurutondo tombola ya makipe azatwara igikombe za mukura,za kiyovu ikibabagirwa CHOMWANA Uzi bashaka kutugira nka lete ya mbere ngo Banyarwanda na ba cyangugu igikombe tuli Big FOUR BYANZE BIKUNZE Courage basore rweshi haguma
Wow!!!!!!!! APR fc guma gumaaaaaaaaaa
Comments are closed.