“Anita abaye atwite nta gitangaza kirimo nubwo atari byo”- Producer David

Nyuma y’igihe gito gishize abantu benshi bibaza k’ umubyibuho udasanzwe w’umushyushyarugamba(MC),  Anita Pendo  bamwe bakavuga ko atwite, umukunzi we David aratangaza ko Anita abaye atwite  nta kosa ririmo. Yongeraho ko ibivugwa kuri Pendo nta kuri kurimo.

David umukunzi wa Pendo avuga ko akenshi umuntu uvugwa n’abantu benshi yaba neza cyangwa nabi baba bamukunda, bityo rero asanga kuba Anita yari amaze iminsi avugwaho kuba afite inda ye  nta kibazo na kimwe kirimo biramutse binabaye.

Mu kiganiro na UM– USEKE, David umusore ukorera umuziki muri studio yitwa  Future Records iyi ikaba ari studio ikorana n’abahanzi nka Alpha Rwirangira, Peace ndetse n’abandi benshi, yagize ati “Nibyo koko hari hashize iminsi havugwa koAnita atwite. Ariko njye narabyumvaga nkumva biransekeje ukuntu abantu bavuga ibintu nkaho babihagazeho.

Gusa nta muntu utavugwa iyo uri ku Isi, uretse ko nanone biramutse aribyo agatwita nsanga nta kintu gitangaje cyaba kibirimo nubwo kugeza ubu ibyo bavuga atari byo”.

Producer David abajijwe igihe we n’umukunzi we Pendo bazashingira urugo  yavuze ko biri muri gahunda ariko ko batarahitamo italiki nyayo y’ibyo birori.

Joel Rutaganda

ububiko.umusekehost.com