Amakosa akunze kugaragara mu ikoreshwa ry’agakingirizo

Itsinda rigizwe n’abashaksahstsi bo muri Kaminuza y’ahitwa Kentucky muri Leta Zunze Ubumwe za Amerika, ryakoze ubushakashatsi bwibanze ku ikoreshwa ry’agakingirizo n’amakosa akunze gukorwa n’abagakoresha.

Ubusanzwe gukoresha agakingirizo ugakurikiza amabwiriza akwiye, ubushakashatsi bwerekana ko umuntu aba afite amahirwa anagana na 98% yo kuba atasama cyangwa ngo afatwe n’indwara zanduzwa mu gihe cy’imibonanompuzabitsina. Ariko kandi ubushakashatsi bwakozwe bwerekana ko mu bagore batwita batabishaka kandi bakoresheje agakingirizo ari ku gipimo cya 15%. Umwe mu bakoze ubushakashatsi bwanasohotse mu kanyamakuru kandika ibijyanye n’ubuzima bw’imyororokere, Sexual Health yagize ati “Abantu basuzugura agaciro ko gukoresha agakingirizo”.

Abahanga bakaba baramaze imyaka 16 bukorerwa mu bihugu 14 hagamijwe gushaka amakosa akorwa ku buryo buri rusange n’abakoresha agakingirizo. Amwe mu makosa yagaragaye ko ari rusange ni nko kwambara agakingirizo igihe cyagiye, cyangwa kugakuramo mbere y’igihe. Kwibagirwa gusiga akanya kagenewe kujyamo amasohoro y’umugabo.

Ikosa ribi kandi ryagaragaye ko rikunze kubaho cyane, rikaba ryaragaragaye ku gipimo cya 80% ku bantu bakoresha agakingirizo bakoreweho ubushakashatsi, ni ikosa ryo kwibagirwa kugenzura niba agakingiriza ugiye gukoresha ari ntamakemwa ni ukuvuga niba katarapfumutse.