AMAFOTO: Nyuma ya stress muri White House, Obama ari kwishimisha ku mazi

Jean Pierre Nizeyimana
02/07/2017

Nyuma ya stress yo muri White House amaze iminsi arya ubuzima, gusa ubu ngo basubiye i Washington DC

Barack Obama n’umugore we baherutse gufotorwa bari kwishimisha mu birwa bya Carrabien aho bari kumwe n’inshuti ye umuherwe witwa Richard Branson. Obama w’imyaka 55 y’amavuko yagaragaje ko agifite ingufu zo gukora za sports zisaba kwihangana no kudahubuka.

Ni amafoto yafashwe mu mpera z'ukwezi gushize ariko yagiye hanze kuri uyu wa kabiri — Ni amafoto yafashwe mu mpera z’ukwezi gushize ariko yagiye hanze kuri uyu wa kabiri

Uko bigaragara Obama yari yishimiye ubuzima ari kumwe na Richard Branson hamwe n’umugore we Michelle, ni nyuma y’akazi gakomeye muri White House.

Ubushakashatsi bwigeze gusohoka muri 2015 bwagaragaje ko iyo umuntu abaye umukuru w’igihugu asaza vuba.

Obama we ararwanya ibi, yagaragaye n’umugore we mu bihe nk’iby’abasore, bishimira ubuzima ku mazi.

Bakiva muri White House Obama na Michelle babanje kujya ahitwa Palm Springs muri Calfonia nyuma aza kujya mu gace gaturanye n’ubutayu aho yabashaga kumva akayaga kaho ko kureba imirambi itwikiriwe n’ibirundo by’umucanga(dunes).

Nyuma berekeje mu birwa bya Caraibes ari naho bafatiwe aya mafoto bari mu biruhuko. Gusa ubu ngo bamaze gusubira i Washington DC nyuma yo kuruhuka.