AMAFOTO: Tujyane gusura Pariki y’Akagera

Jean Pierre Nizeyimana
07/02/2015

Imparage zaje kugama izuba munsi y’ibiti no gufata akayaga

Pariki y’Akagera iherereye mu Ntara y’Uburasirazuba bushyira Amajyaruguru. Izina Akagera irikomora ku ruzi rw’Akagera ruyicamo hagati. Iyi pariki yashinzwe muri 1934 hagamijwe guha inyamaswa icyanya cyo kubamo zituje zidatinya kwicwa naba rushimusi cyangwa abandi.

Hano ni muri Pariki y'Akagera mu gace k'amajyaruguru — Hano ni muri Pariki y’Akagera mu gace kayo k”amajyaruguru

Iyi pariki ifite ubuso bwa kilometero kare1200( 1,200 km²). Iherereye mu gace k’umurambi n’utununga karimo ubwatsi bw’umukenke bufasha inyamaswa zirisha kubona ubwatsi.

Umwihariko w’iyi Parike muri ibi bihugu byo mu karere ni uko ariyo yonyine ushobora kubonamo icyarimwe imirambi n’utununga birimo ubwatsi n’ibiti bigufi (savana) ndetse n’ibishanga, ugasangamo kandi ibiyaga n’igice cy’ishyamba ritoshye.

Ibi biyaga bituma inyamaswa zishoka zikabona amazi yo kunywa byoroshye. Ibi biyaga birimo ikiyaga cya Ihema n’ibindi biyaga bito byinshi biri mu bice bitandukanye bya Pariki.

Muri iyi pariki harimo urufunzo rurerure ruturanye na biriya biyaga. Iyi pariki yaje kwangizwa n’abaturage bayituyemo nyuma y’intambara yo kubohoza u Rwanda(1990-1994).

Nyuma Leta y’u Rwanda yafashe umwanzuro wo kwimura abaturage kugira ngo badakomeza kwangiza iki cyanya kiri mu bizanira u Rwanda amafaranga y’amahanga arufasha kwiteza imbere.

Iyi pariki irimo amako atandukanye y’inyamaswa, inyoni, ibiti, ibyatsi ndetse n’ibiyaga.

Iyi nyamaswa irisha yitwa Antilope. Izwiho kugira amahembe aburungushuye kandi asongoye cyane

Antilope z'ubundi bwoko ziri kurwana. — Antilope zinogera cyane ijisho kuzireba

Twiga bamwe bita Musumbashyamba mu Akagera ziba zigendagenda zirurije

Umusumbashyamba cyangwa Twiga ziri kurisha mu mababi y'ibiti kuko zitabasha kurisha ibyatsi hasi — Zirisha amababi yo hejuru y’ibiti aba atoshye cyane. Inyamaswa zindi zikunda kuyiba hafi kuko ngo ziba zishobora kubona icyago kije mbere. Iyo zihunze n’izindi zimenya ko hari ikibaye zigafumyamo

Inzovu yitemberera mu Akagera nta gutinya imodoka za ba mukerarugendo — Ugendagenda mu muhanda ugira utya ukabona inzovu nayo iriho iriyambukira

Inzovu niyo nyamaswa mu zirisha ubwatsi iremereye kurusha izindi

Imparage zaje kugama izuba munsi y'ibiti no gufata akayaga — Imparage zaje kugama izuba munsi y’ibiti no gufata akayaga

Imparage ziri mu mukenke aho zikunda kurisha iyo ari mu gihe cy'imvura — Imparage ziri mu mukenke aho zikunda kurisha iyo ari mu gihe cy’imvura

Iyi nyoni yitwa inkware — Iyi nyoni yitwa ‘ikigagali’ cyangwa’ inkanga’ irebeka neza cyane, ariko itinya cyane ko abantu bayireba

Izi nyamaswa za Antilope z'ubundi bwoko ziba muri Pariki y'Akagera — Izi nyamaswa ni za Antilope z’ubundi bwoko ziba muri Pariki y’Akagera nazo kuzireba ntako bisa

Iriya ni imbogo twafashe ifoto twihuta mu modoka — Iriya ni imbogo tutabashije guhagarara ngo dufotore kuko iyo ari yonyine igira amahane

Imvubu ivuye kurisha isubiye mu mazi iragaragaza igikomere ku itako, ndetse yerekanaga ibimenyetso by’umujinya nk’ivuye kurwana

Mu duhuru nk'utu hakunda kubamo inzoka n'ibindi bikururanda — Mu duhuru nk’utu hakunda kubamo inzoka n’ibindi bikururanda

Izindi nyamaswa ziri muri ni amasatura — Hakura urareba impalage ziri kunyuranamo n’amasatura

Hari udusozi twitaruye kuburyo kuturebera kure biba byiza — Kureba utu tununga ntako bisa, ibi biri mu byo Pariki y’Akagera yihariye

Iyo inyamaswa zigize inyota zishoka muri ibi biyaga biri hirya no hino mu Akagera nawo ni umwihariko

Icyanya cyagenewe kubanza kumenyererezwamo intare zazanywe kuwa kabiri

Aha niho babanje gushyira intare zaje ejo ngo zibanze zimenyere

Ibisanduku byazanywemo ziriya ntare — Ibi ni ibisanduku by’ibyuma byajemo intare ndwi

Zageze muri Pariki zisinziriye nyuma y’urugendo rurerure

Ruriya ni urunigi rukoranye ikoranabuhanga ryo gutuma bamenya uko buri ntare ibayeho — izi ntare zambaye urunigi rw’ikoranabuhanga ryo gutuma bamenya uko buri ntare ibayeho

Izi ntare zitezweho kuzororoka mu gihe gito

Photos/D S Rubangura/UM– USEKE

Daddy Sadiki RUBANGURA
UM– USEKE.RW

20 Comments

manzi says:
07/02/2015 at 15:08

Ni byiza ko twitabira gusura ibyiza bitatse u Rwanda, aliko haracyar ikibazo cy’ibiciro bihanitse bidapfa kubonwa na buri muturage wese, niyo mpamvu usanga izi park zisurwa n’abanyamahanga akenshi ndetse n’abantu bifite.

Malachie says:
07/02/2015 at 16:20

Murankumbuje kweri mutumye nziyandayanda nshake udufaranga nsohokane na madamu n’abana

rwango says:
07/02/2015 at 18:03

ibyo nibyabahaze sha abantu hanza aha baraburara bakabwirirwa ngo haje intare nibyabanyamahanga nabandi hano baryibitseho kandi ngo umurengwe wica nkinzara bage bagenda bihere ijosho kumukire bimurutira kureba uwishwe ninzara

ukuri says:
07/03/2015 at 06:01

@Rwango, sha, uri rwango nkizina ryawe kabisa! Gusa urwango rwinshi ruhinduka ubujiji pee! ukarindagira!

Umusomyi sarah says:
07/03/2015 at 07:18

Nababajije ikibazo ntimuransubiza, izi ntare muzegera gute kugirango muzifate muzambike uruniki, muzishyire mu gisanduku nimugera muri parike muzikuremo, ni gute zitaarya ? Ese murazagaza nk’inka ? cyangwa ziracyari ibyana ntiziramenya kuryana ?
- EDITORIAL says:
  07/03/2015 at 07:22
  
  Muraho neza @Sarah
  Ziriya Ntare ni inkazi nk’izindi zose
  Kuzambika urunigi ntabwo bazegera ngo bazambike nk’uwambika inka.
  Kugira ngo ibyo bikorwe hakoreshwa imbunda zikazirasa urushinge rurimo umuti uzica intege mu gihe cy’amasaha cyangwa iminsi rukanaka.
  Ubwo iyo imaze kugwa hasi nibwo bayifata bakayikora ibyo byose, bakayipakira bakayijyana aho bashaka, ikazakanguka ku gihe cya genwe.
  
  Muri make ngibyo

Kanyoni says:
07/03/2015 at 07:37

Thank you

ALEXIS says:
07/03/2015 at 07:43

Intare ni nziza. twese tuziteza imbere , dufata n’akanya tujya gusura parike y’Akagera kuko ifite ibyiza bitatse u Rwanda. Tukomeze duteze imbere ibidukikije mu Rwanda.

summer breeze says:
07/03/2015 at 13:52

Ibi bintu ni Yesu wabikoze kabisa turanezerewe. viva Akagera park,viva Rwanda and Rwandans.tugire Imana ,abantu n inyamaswa.thank you umuseke

UZARAMA says:
07/06/2015 at 10:32

Birashimishije cyane, mwatubwira n’ibiciro byo gusura pariki kuko bikwiye ko umuntu afata akany ko kuruhuka akaba yasura ibyiza bitatse u Rwanda rwacu.

UZARAMA says:
07/06/2015 at 10:34

Muzatugezeho n’ahandi hafite ubwiza nyaburanga

Kalisa Patrick says:
07/07/2015 at 10:30

yeah!mbega byiza bitatse igihugu cyacu.njye nshimiye uyu munyamakuru washoboye kutwereka ibyiza bitatse igihugu.ariko mbona rdb yarikwiye gushyira ahagaragara ibiciro by’abifuza gusura parki.byashoboka aho abantu bahurira ari benshi bakabibona.byashimisha uwasura pariki,ariko bikazamura nubukungu bwigihugu kimwe nimibereho yabene rwo.

Sasa says:
07/09/2015 at 12:23

Ibiciro pls tuzajyeyo natwe

Ian says:
07/10/2015 at 11:00

Gusura Park in 4000Frw Kumunyarwanda. abana barihasi yimyaka 6 Ntibishyura naho abafite kuva Kumyaka 6 kugeza kuri 12 bishyura icyakabiri cyumuntu Ukuze, ariko bisaba kuzana imodokayanyu mujyendamo musura. i yu muribeshi mwishyirahamwe mugakodesha nkaCOSTER byabahendukira. icyindi kuko mwirirwa mumodoka mujyenda nibyiza Kwitwaza Amazi meshi yokunywa ndeste nicyintu gito cyokurya
- Kuki says:
  07/24/2015 at 00:00
  
  @Ian, Merci pour ton message.
  Ariko ubwo njye numvaga hari imodoka ihari ishinzwe gutembereza abantu kuko nibyo byiza hari imodoka bityo abahageze baje gutembera bakayikoresha.
  Naho kwizanira imodoka ntabwo benshi bafite ubwo bushobozi.

jonas says:
07/15/2015 at 17:34

harimoo amafoto wateruye ntiwagezeyo neza

Nana says:
07/16/2015 at 21:07

vraiment this is so interested! Thank u for your research.

dixon says:
07/19/2015 at 21:47

mutubwire ibiciro by’ariya ma tented lodges yaho nabonye ari meza.
thanks!

Kuki says:
07/23/2015 at 23:52

Magnifique!
Urakoze cyane kudutembereza muri parc y’Akagera.

janvier murasanyi says:
05/06/2016 at 15:33

muriparikiy akageraturwanye
abahigi?
abaragirakunyegerozakagera?

\\\\\\\\\\\\\\\

turwanye abahigi?
muri parkiyakagera?

Comments are closed.

Share this:

20 Comments