Alpha yavuye muri Future Records yerekeza kwa Pastor P

Umuhanzi Alpha Rwirangira uri mu biruhuko by’amezi atatu mu Rwanda yamaze kuva mu nzu itunganya muzika yitwa ‘Future Records’ ikorerwamo na David Pro yakoranaga nayo yerekeza kwa Pastor P.

Alpha yatangiye gukorera muri iyo nzu ya Future Records mu mwaka wa 2009 ubwo yari amaze kwegukana irushanwa rya Tusker Project Fame 3, aza no gihita ashinga label ihuriwemo n’abahanzi bose bakorera muri iyo nzu ayita ‘DEATA’.

Mu kiganiro na UM– USEKE, Alpha Rwirangira yatangaje ko nubwo yerekeje kwa Pastor P bitazatuma akomeza gukorana na David Pro kuko ni umwe mu bamufashije kugera aho ageze.

Yagize ati “Nta mpamvu ikomeye itumye mva muri Future Records, gusa ni uko nshaka gukorana n’abandi producers bandi kugira ngo muzika yanjye ikomeze irusheho gutera imbere.

Icyatumye nerekeza kwa Pastor P ahanini, ni umwe mu ba producers nemera imikorere yabo”.

Alpha Rwirangira asanze umuhanzi King James nawe ukoranye na Pastor P igihe kitari gito kuva mu mwaka wa 2012.

Reba imwe mu ndirimbo David aheruka gukorana na Alpha afatanyije na Kidum.

[youtube url=”https://www.youtube.com/watch?v=0P_nCvMiobU” width=”560″ height=”315″]

Joel Rutaganda

ububiko.umusekehost.com