Agashya! Urban boyz bajugunyiye inoti 160 mu bafana

Urban Boys kuwa gatandatu yakoze agashya! mu gitaramo kiswe AMASO cyabereye muri Parking ya Pt Stade i Remrea, aba basore bagaragaye bajugunya inoti za magana atanu mu bafana maze nabo si ukuzicakira bivayo.

Safi ku murongo wa Telephone twamubajije impamvu bafashe amafaranga bakajugunya mu bafana maze abwira Umuseke ko ibyo bafite byose babikesha abafana babo.

Ati “ Nibo bishyura ibitaramo byacu, nibo baduha amajwi mu marushanwa, nibo bagura indirimbo zacu n’ibindi…Gusa ntibyoroshye kureba umwe umwe ngo umushimire, niyo mpamvu twagerageje guha nibura abari imbere yacu agafanta ngo bakomeze baryoherwe.”

Safi avuga ko bajugunye mu bafana amafaranga ibihumbi 80 mu bafana bavunjemo inoti za magana atanu ngo bagamije ko agera kuri benshi.

Aya mafaranga bayatanze mu gihe bariho baririmba indirimbo yabo bise “Kiss Money” bagirango kandi abakunzi babo ngo basome ku mafaranga.

Plaisir MUZOGEYE
ububiko.umusekehost.com