After Party ya Kansiime yebereye Spring Club Kimironko, Le Printemps hotel

Kuri uyu wa gatandatu tariki 06 Kamena 2015, akabyiniro ka Spring Club gahereye ku Kimironko ni ko kakiriye After Party  y’igitaramo cy’umunyarwenya  Kansiime Anne wageze i Kigali  tariki ya 04 uku kwezi.

Guhera saa 10h00 z’ijoro kuri uriya munsi nibwo After party ya kiriya gitaramo cyabereye muri Serena yakomereje muri Spring Club ikorera muri Hoteli, Le Printemps.

Hotel Le Printemps iherereye Kimironko munsi ya Gare. Spring Club ni akabyiniro kagezweho kandi kujuje ibyangombwa kitabirwa n’abantu b’ingeri zose. Batanga serivisi zitandukanye zirimo cocktail na mocktail.

Buri wa kane w’icyumweru abagana muri Spring Club babona amahirwe yo kubasha gutombora itike yo kujya gutemberera  Dubai, maze iyi Club ikakwishingira tiki mu minsi itatu y’indege, Hotel ndetse no gutembera.

Kansiime ku bw’impano ye yo gusetsa (comedian), yabonye ibihembo byinshi bitandukanye akaba ndetse azwi ku izina ry’umwamikazi wa comedy muri Afrika.

Yahawe igihembo cy’ikiganiro cyitwa ‘Don’t Mess with Kansiime’ kinyura kuri televiziyo yo muri Kenya yitwa the Citizen ndetse abona n’ibindi bihembo bitandukanye harimo AIRTEL Women of Substance Awards 2014, BEFFTA 2013 (Best Comedian) winner, Lagos International Festival 2013 (Best Actress) winner, n’ibindi byinshi.

NTEZIRIZAZA Theodomir
UM– USEKE.RW