Afghanistan: IS irakekwaho kwica abakozi 6 ba Red Cross

Kuri uyu wa gatatu, ishami ry’umutwe w’Iterabwoba wa ‘IS’ rikorera muri Afghanistan rirakekwaho kuba ariryo ryishe abakozi batandatu (6) b’Umuryango utabara imbabare wa ‘Red Cross’.

Aba bakozi ba ‘Red Cross’ barasiwe mu gace kitwa Qush Tepa mu Ntara ya Jowzjan iri mu majyaruguru ya Afghanistan bahita bapfa.

Ubuyobozi bw’iyi Ntara bwatangarije BBC dukesha iyi nkuru ko hari abandi bakozi ba ‘Red Cross’ babiri bataraboneka, bakaba bakeka ko baba bashimuswe n’uriya mutwe.

Urupfu rw’aba bantu kandi rwemejwe n’ubuyobozi bw’impuzamiryangoya ‘Red Cross’ ku isi, gusa ivuga ko itaramenya abakoze buriya bwicanyi.

Kugeza ubu nta barigamba ubu bwicanyi, gusa harakekwa umutwe wa IS uri muri Afghanistan kuva mu 2015.

UM– USEKE.RW