Active yakoze indirimbo iburira abakunda abo bahurira ku mbuga nkoranyambaga

Itsinda rya Active rigizwe na Olivis, Derek na Tizzo, baburiye abantu bakunze gushakira urukundo  ku mbuga nkorambaga n’abantu bataziranye nyuma bikaviramo kubura ubuzima kuri bamwe.

Iri tsinda ni rimwe mu matsinda amaze kugira izina rikomeye mu muziki w’u Rwanda mu myaka itatu rimaze ryishyize hamwe nyuma y’uko buri umwe yakoraga ku giti cye.

Ahanini benshi mu bakurikirana ibikorwa byaryo, bakaba bakunze no kuvuga igihe cyose bashobora no gutungurana bakaba banamenyekana mu Karere mbere y’andi yaribanjirije.

Mu mezi arindwi gusa bamaze kwishyira hamwe, bahereye ku ndirimbo bise ‘Udukoryo twinshi’. Iyo ndirimbo n’indi bise ‘Active love’ zaje gutuma bitabira irushanwa rya Primus Guma Guma Super Star yari ibaye ku nshuro ya kane.

Active yabwiye Umuseke ko intwaro bakunze gukoresha ari uko baha umwanya munini abafana babo bakababwira aho bigenda n’aho bitagenda. Bityo nabo bakabona umwanya wo guhindura ibyo basabwa.

Muri iyo ndirimbo bashyize hanze bise ‘Online Love’, bavuga ko kenshi abantu bakunze gukururwa n’amafoto yo ku mbuga nkoranyambaga abantu bakoresha.

Nyamara mwajya guhura ukibaza ko uwo wabonaga ariwe urimo kubona kubera kwihindura cyane. Icyo gihe kuri bamwe bakanahaburira ubuzima kubera gukundana n’umuntu utazi neza.

https://www.youtube.com/watch?v=Z1DMU5l5l3w

Joel Rutaganda

UM– USEKE.RW