Abongereza 150,000 barasaba ko ababyeyi ba Ashya barekurwa

Ababyeyi b’umwana urwaye kanseri y’ubwonko bafungiwe muri Espagne bazira ko ngo bakuye umwana wabo mu bitaro kuwa gatanu w’icyumweru gishize badasabye uruhushya abaganga, barasabirwa gufungurwa ngo babone uko bita ku mwana wabo urwariye mu bitaro byo muri iki gihugu.

Abongereza barenga 150, 0 00 bamaze gusinya ku rwandiko(petition) basaba ko aba babyeyi barekurwa bagataha iwabo mu Bwongereza  bavuye muri Prison yo muri Espagne imwe muzikomeye zo muri kiriya gihugu.

Ikinyamakuru Mailonline kivuga ko ibiro by’Ubushinjacyaha bw’Ubwongereza Crown Persecution Service byasabye Urukiko rw’ikirena gukuraho impapuro zo gufata bariya babyeyi kandi bakemererwa kugaruka mu Bwongereza bari kumwe n’umwana wabo  ku bushake bwabo nta mbogamizi.

Brett King n’umugore we Nagmeh King ubu bafungiye muri imwe muri za gereza mbi zikomeye zo muri Espagne nyuma y’uko bakuriye umwana wabo mu bitaro bya  Southampton General Hospital  badahawe uburenganzira n’abaganga kandi yari ari guhabwa ubufasha bwihariye kubera ko arwaye ikibyimba mu bwonko.

Abaturage b’Ubwongereza bagera kuri 150.000 basabye ko uyu mwana urembye yahuzwa n’ababyeyi be bakamurera kuko n’ubundi ngo bamukuye mu bitaro batamwanze ahubwo bagamije gukurikiza uko Bibiliya ibibasaba ko batagomba guterwa amaraso cyangwa ngo abana babo bayaterwe.

Aba babyeyi basanzwe ari Abahamya ba Yehova bafashwe nyuma kuwa Gatandatu nyuma y’uko Polise y’Ubwongereza n’iy’Ubufaransa bifatanyije kubashakashaka bakaza gufatirwa muri Espagne.

Minisitiri w’intebe David Cameron nawe yasabye Espagne ko yakorohereza aba babyeyi kongera kubonana n’umwana wabo Ashya King ubu nawe uri mu bitaro muri Espagne.

Ababyeyi ba Ashya King bafungiye muri prison yitwa Soto del Real iri mu bilometero 40 mu Majyepfo y’umurwa mukuru Madrid.

Mukuru wa Ashya King witwa Danny King niwe wemerewe na Polisi kumwitaho mu bitaro kandi ibyo akora byose aba afite umupolisi umuri i ruhande.

UM– USEKE.RW