Abazajya kwiga muri UNR i Ruhande uyu mwaka bazitwa ngo iki?

Webmaster Marcel
10/25/2011

Ni ibisanzwe ko buri kiciro (Promotion) kinjiye muri Kaminuza Nkuru y’u Rwanda I Butare gihabwa izina.

Mu gihe umwaka w’amashuri makuru 2011 – 2012 muri Kaminuza Nkuru y’u Rwanda uzatangira kuwa gatanu tariki 28 Ukwakira, abahiga ubu, n’abaharangije, bari gukekeranya ku kazina kazahabwa abazinjira kuri aka gasozi ka Ruhande.

i Ruhande muri Kaminuza nkuru y'u Rwanda

Amazina yabo akenshi bayahabwa bitewe n’ibihe biba bigezweho mu Rwanda, muri Africa cyangwa ku isi muri rusange.

Nta nteko yihariye itanga aya mazina ku kiciro kinjiye. Abahiga bajya kumva bakumva izina ryabaye kimomo rigafata ubwo. Gusa benshi bavuga ko aya mazina atangwa n’abo bita “Abakonari” (Conard), bigaragara ko muri iyi myaka ishize batagifite umurindi nka mbere, ariko ngo ntikiburira.

Abazaza uyu mwaka hari amazina menshi biri kuvugwako bazahabwa. Muri ayo havugwamo “ABAKADAFFI” , “BA GACUMBITSI” , “ABANATO” n’ayandi avugwa ariko ataremezwa.

Abanyeshuri bashya bakazagera i Ruhande kuwa gatanu tariki 28 Ukwakira, bagatangira icyumweru cyo kubamenyereza Kaminuza kitwa “Induction week”

Aya ni amazina yagiye ahabwa ibyiciro (promotion) byo hambere aha

2010 – 2011: Nyakatsi, niryo ryaje gufata nyuma yo kugerageza aya: “ Ibigarasha, Vuvuzera, Ibicurane”

2009 – 2010: Abavangarai,

2008 – 2009: Manoyinanga

2007 – 2008: Ababurugeri (Bruguiere)

2006 – 2007: Abatigiste

2005- 2006: Abajanjaweed

2004 – 2005: Abemeye icyaha (Abireze)

2003 – 2004: AbaFOCA

2002 – 2003: Abasunzu (Masunzu wo muri DRCongo)

2001 – 2002: Abayanja ( Restaurant zubatswe, nyuma y’inkongi y’umuriro yatwitse izambere, ziswe Ikiyanja I n’icya II)

2000 – 2001: Kuva aha kumanura, bivugwa ko kwita amazina abashya I Ruhande byari bitaratangira neza.

2011 – 2012: ???????

Ubwanditsi
UM– USEKE.COM

28 Comments

nijedi says:
10/25/2011 at 14:43

Izina ry’akabyiniro ryaba ryiza ni sixbert, ndavuga gacumbitsi.

vubi says:
10/25/2011 at 16:05

KAMINUZA NKURU Y’U RWANDA ABAHIZE ABAHIGA N’ABAZAHIGA MWESE MBIFURIJE KUZAYIHAGARARIRA NEZA MUKAYIBERA BA AMBASSADEUR BEZA KUKO YATUREZE NEZA IDUHA UBUMENYI N’UBURERE”” NGIYO KAMINUZA NKURU Y’IGIHUGU” “”URUMURI N’AGAKIZA KA RUBANDA””
NTAWAKWIZEMO UZATATIRA IGIHANGO CG NGO AG– USEBYE KUKO URI RUDATATIRA IGIHANGO””
GUMAGUMA GUMAGUMA.
- Declau says:
  10/26/2011 at 08:16
  
  ntabwo ikiri iyo man, ni “toward a bright future”
- GISELE MUGISHA says:
  10/26/2011 at 15:20
  
  Ariko rero abakobwa banyu bakuramo inda; bica abana.Ibyo bintu rireze rwose bari kubasebya mubahane. Ntago bibereye intiti z’u Rwanda.

Kabera Celestin says:
10/25/2011 at 16:55

bazabite ABAKADAFFI

nesta says:
10/25/2011 at 20:58

abo ni ba GACUMBITSI NTITWABITIRIRA JKADDAFI

nema says:
10/25/2011 at 21:21

bazitwe , BIBERA IGIHE, NTAKINDASHOBOKA rimwe muri ayomazina

nana says:
10/25/2011 at 21:58

bazitwe kadhafi

pocous says:
10/26/2011 at 08:24

musimbutse promotion 2010;IBICURANE kuko 2009;nibo BAVANGARAYI

Adams says:
10/26/2011 at 10:43

Bazabite ABAKADAFI kuko ariryo zina riri kurya heat cyane kurusha ayandi muri iyi minsi.

Sibomana Marc says:
10/26/2011 at 11:06

Byaba byiza babise Abakadhafi kuko ariya mazina iteka ajyana n’ibikorwa binini byaranze itangira ryabo.

Kuvuga ko mbere ya 2000 batitaga amazina, uribeshye kuko naguha urugero nkatwe twatangiyeyo mu 1993 – 1994 batwise aba Sangineri/Pucistes bo kwa Bikomagu (igihe cya Ndadaye), hari n’abiswe aba deplase mbere muri za 91 ahari, hari n’abiswe aba Makizari ndakeka bo mu 1990,…

Paul Habyarimana says:
10/26/2011 at 16:36

Abakadafiste niryo rivugitse

bosco says:
10/26/2011 at 16:57

Al shabab ndabona aribo bagezweho noneho ngo barasenya kenya aho bukera bayikubite hasi

MO says:
10/26/2011 at 17:31

Muzabite “MBAYIKISHA”

ndarukunze says:
10/26/2011 at 19:46

Mwe mwasigaye inyuma cyane kuko izina ryamaze kuboneka. Bazitwa INYABUTAYU.

Maisha says:
10/27/2011 at 00:59

Bazitwa INYABUTAYU

SERUPYIPYINYURIMPYISI says:
10/27/2011 at 21:02

IZINA RYARAMENYEKANYE WANGU BABISE ” abahanya” ngo koko noneho SFAR yabafashe bose nta selection nimwe ikozwe

John Kamari says:
10/27/2011 at 21:46

Baza bite Abahanya

Igorora says:
10/27/2011 at 23:05

Ariko ayo mazina aba ahuye mu mbshuli makura na za kaminuza,uwandusha amakuru ya SFAR yambwira!
- Eric says:
  10/28/2011 at 11:54
  
  Ntago amzina ahura mu mashuri makuru naza kaminuza kuko hari naho iby’amazina bitaragera kandi usanga bose badakurikiza events zimwe.
  naho SFAR ntacyo iratangaza ku banyeshuri bashya.

A.K.A says:
10/28/2011 at 08:08

ayo mazina yose ni fake, iryaba ahubwo bazitwe Al shabab!!!

Bruce says:
10/28/2011 at 21:54

Abakorwa: Utunozasuku
Abahungu: Imigereka( SFAR)

NYIRAKAZIHAMAGARIRA says:
10/29/2011 at 07:40

1991 babitaga les assaillants /inkotanyi kuko 1990 kaminuza itize

hari n abiswe puchistes buyoya akora coup d etat …..

emma says:
10/29/2011 at 15:25

aba 2011-2012 bazabite ALQUAIDA cg ABA OSAMA

ngazahoguhora says:
10/29/2011 at 15:42

ayomazina ntaba murizakaminuza gusa ahobwo numvise nomuri za promotion zabapolice abamo harimo za vuvuzera,tigo mano yinanga,veromoteur……………
yewe ntaho batita.muzabite INANATOYA.ariko ntibishoboka ko abakonari babura,baciwintegeniki?iyoyaba ari SFAR SE?