Abayobozi ba EAC bemeje ko bagiye kohereza ingabo muri Sudani y’Epfo

Abayobozi bakuri b’ibihugu  biri  mu Muryango w’Afurika y’Iburasirazuba n’ibyo mu muryango wa IGAD bemeje ko bagiye kohereza basirikare mu gihugu cya Sudani y’Amajyepfo  kugira ngo bafashe Perezida Salva Kiir gucunga umutekano w’Abaturage.

Abayobozi bakuri b’ibihugu  biri  mu Muryango w’Afurika y’Iburasirazuba n’ibyo mu muryango wa IGAD bemeje ko bagiye kohereza basirikare mu gihugu cya Sudani y’Amajyepfo  kugira ngo bafashe Perezida Salva Kiir gucunga umutekano w’Abaturage.

Aba bayobozi batangaje ibi mu gihe kuri uyu wa kanetariki ya 13 Werurwe bari bateranyije I Addis Abeba mu gihugu cya Ethiopia biga ku bibazo bikomeje kwibasira igihugu cya Sudani y’Amajyepfo kimaze amezi atatu kigaragaramo imvururu n’ubwicanyi.

Aba bayobozi bemeje ko bagiye  kohereza ingabo  muri iki gihugu kugira ngo zifashe Perezida Salva Kiir no kugira uruhare mu kwihutisha  ibiganiro by’amahoro bihuza inyeshyamba na guverinoma ya Sudani y’Epfo.

Muri aya mesezerano bemeje ko ibihugu bya Ethiopia , Kenya, u Rwanda, n’u Burundi  bigiye kohereza ingabo mu gihe biteganyijwe ko Djibouti na yo ishobora kwitabira iki gikorwa.

Seyoum Mesfin, umuhuza mukuru muri  ibi biganiro yagize ati:”Biteganyijwe ko izi ngabo zizagera k’ubutaka bwa Sudani y’Ejo mu  kwezi kwa kane hagati”.

Imirwano yadutse muri iki gihugu kuwa 15 Ukuboza2013  iturutse ku gushaka guhirika ubutegetsi bwa Slva Kiir, aho bahise batunga agatoki  uwahoze ari visi perezida muri iki gihugu Riek Machar ko ari we wihishe inyuma y’ibi bitero.

Intambara yaje gufata indi isura maze ihinduka iy’amoko aho abo mu bwoko bw’aba Dinka buturukamo Kiir barwanyaga abo mu bwoko bwa ba Nuer buturukamo umukuru w’inyeshyamba Machar.

Abantu ibihumbi n’ibihumbi bapfiriye muri iyi mirwano abandi barahunga bajya kuba impunzi mu bihugu bituranye na Sudani y’Amajyepfo birimo Uganda. Nk’uko ikinyamakuru redpepper dukesha iyi nkuru kibitangaza.

Kugeza ubu rero n’ubwo bari mu gice cya kabiri cy’ibiganiro by’amahoro imirwano iracyakomeje.

ububiko.umusekehost.com