Abanyarwanda baba mu Bwongereza bagiye kujya bohereza ibintu biboroheye

Abanyarwanda batuye mu gihugu cy’u Bwongereza bagiye kujya bohereza ibintu mu Rwanda cyangwa mu bindi bihugu biri muri Afurika y’Iburasirazuba bitabagoye kuko imitwaro inyuze mu kirere izajya igera muri Afurika y’Iburasirazuba mu masaha 72 n’aho inyuze mu mato manini ikahagera mu minsi 40 gusa.

Mu kiganiro bagiranye na Ndayambaje Aimable,  rwiyemezamirimo w’Umunyarwanda, akaba n’u

muyobozi wa ‘Mizigo Africa Cargo’  utuye mu gihugu cy’u Bubiligi ubwo yari yabasuye kuri uyu wa gatandatu bahuriye mu Mujyi wa Coventry ho muri West-Midland yasobanuriye uko  bakohereza ibintu mu gihugu bavukamo bitabagoye.

Uwashinze kandi akaba n’Umuyoboziwa Mizigo AfricaCargo, isosiyiyete y’ubwikorezi bw’ibiva  n’ibijya mu Rwanda no mu mahanga AimableNdayambaje, yifuza ko  yagirana  imikoranire  ya hafi n’Abanyarwanda ndetse n’abandi  Banyafurika baba mu Bwongereza mu mu Mijyi  nka London, Birmingham, Manchester, Reading na Oxford, Liverpool na New castle.

Avuga ko gukorana na we byajya bibafasha  kohereza ibintu mu bihugu baturukamo mu buryo bwihuse kandi buhendutse no mu mutekano wizewe kandi usesuye.

Ndayambaje yabasobanuriye bisesuye uburyo bakora n’uburyo yifuza kubagezaho service za bo,avuga ko intego nyamukuru bafite ari ugukoresha indege zihuta, imitwaro inyuze mu Kirere ikagera muri Afurika y’Iburasirazuba mu masaha 72 byibura, n’aho ibinyuze mu mato manini bikamara iminsi 40.

Akomeza avuga ko ubu barimo bazenguruka  muri iyo Mijyi  yo mu  Bwongereza bashaka kandi bategura abo bazakorana na bo, banabaha n’amahugurwa.

Ndayambaje yemeza ko mu gihe gito bazaba bagiranye ubufatanye bwo gukorana na bamwe muri barwiyemeza mirimo bari muri iyo Mijyi.

ububiko.umusekehost.com