Abanyamerika barasinyira ko Bieber yirukanwa muri USA

Abaturage ba Leta zunze ubumwe z’Amerika bari gusinya ku rupapuro rwemeza niba bashaka ko umuhanzi w’icyamamare muri njyana ya Pop Justin Bieber yamburwa ubwenegihugu bw’Amerika agahita asubizwa iwabo muri Canada.

Uyu musore ukomoka muri Kanada ashobora kwirukanwa muri USA niba Abanyamerika ibihumbi 100 babyemeje bakabisinyira.

Justin Bieber amaze iminsi mu manza zishingiye ku myifatire ye mibi yo gutwara imodoka yasinze, gutera amagi ku rugo rw’umuturanyi we  no gucumbikira incuti ye yanyweraga ibiyobyabwenge iwe rwihishwa.

Muri iyi nyandiko Abanyamerika bazemeza mu gihe cyingana n’iminsi 30 ko Justin Bieber ahambirizwa agasubizwa iwabo. Iyi nyandiko kandi izaca no mu biganza bya Perezida Obama ubwe.

Uyu muririmbyi wa Pop ukunzwe cyane ku Isi hose ndetse akaba ari nawe abakobwa ba Perezida Obama babiri bakunda cyane yavutse ku Italiki ya 01, Werurwe 1994 mu Mujyi wa Ontario muri Canada. Ni umuhungu wa Jeremy Jack Bieber na Patricia Mallette. Uyu musore amaze kumenyekana, yaje kwemererwa kuba Umunyamerika yimukira mu Mujyi wa Atlanta muri Leta ya Georgia, USA.

Ubu uyu musore  ubura ukwezi kumwe ngo yuzuze imyaka 20 ari mu mazi abira kubera imyitwarire ye idashimisha Abanyamerika benshi.

Kanda hasi urebe indirimbo ye ‘Boyfriend’:

Dailymail

ububiko.umusekehost.com