Abana b'ingagi 19 bahawe amazina

Kuri uyu wa gatandatu tariki  16/6/2012 Kinigi, mu majyaruguru habereye umuhango wo kwita izina abana b’ingagi bagera kuri 20, uyu muhango w’itabiriwe n’abantu batandukanye  ndetse n’ibinyamakuru bitandukanye bituritse mu mpande zose z’isi.

Nkuko byatangajwe na Guverineri  w’Intara y’amajyaruguru Bosenibamwe Aime, iyi n’inshuro ya 8 umuhango wo Kwita Izina ubaye iki gikorwa kikaba kigamije  guha agaciro abana b’ingagi bityo zikanitwa amazina.

Bosenibamwe yakomeje avuga ko muhango nk’uyu ntabwo wari usanzwe mu gihugu cy’u Rwanda, kuva pariki yabaho hashize imyaka irenga 50, ndetse hagiye habaho leta z’itandukanye mu Rwanda, nta leta n’imwe yatekereje gushiraho iyi gahunda yo Kwita Izina abana b’ingagi, uretse leta y’ubumwe bw’abanyarwanda. Yashimiye abaturage bakomeje gufata neza pariki ndetse n’ingagi by’umwihariko.

Yashimiye kandi amakoperative yabo kuko Yakomeje avuga ko amadevize y’injizwa n’abakera rugendo yabaye intandaro y’uko  intara y’amajyaruguru mu rwego rw’igihugu iri mu mwanya wa gatatu mukugabanya ubukene ndetse n’ubukungu bukaba bwariyongereye cyane.

John Gara umuyobizi wa RDB mu ijambo rye yavuze ko baje gushimira abaturage bagira uruhare mu kubungabunga ibidukikije mu gihe isi itangiye kugira ikibazo cy’ihindagurika ry’ikirire ariko kubera uruhare rwabaturage mu Rwanda icyo kibazo ntabwo gihari. John Gara yakomeje avuga ko mu nwaka w 2005 u Rwanda rwinjije miliyoni 26 z’amdolari ya manyamerika yatanzwe n’abakerarugendo, mu 2011 u Rwanda rwinjije miliyoni 252 z’amadolari yatanzwe n’abakera rugendo 910 kandi 5% y’ayo mafaranga ayabwa abaturage baturiye pariki ku girango biteze imbere. Umuhango wo kwita ingagi watangijwe na minisitiri w’intebe Nyakubahwa Pierre Damien aho y’ise ingagi y’umukobwa yavutse  kuwa 7/2/2012 yayise “IGIKUNDIRO”. Izindi nazo ziswe amazina akurikira:

• KUNGAHARA
• ITABAZA
• UMUTUNGO
• NDIZEYE
• IZURU
• ISHIMWE
• ICYEZA
• IMPANO
• Bishushwe
• KATAZA
• TURIMBERE
• UMUDENDE
• IMPETA
• IWACU
• DUHIRWE
• TURERE
• IJABO

Mu gusohoza uyu muhango Minisitiri w’intebe yatangaje ko Perezida wa Repubulika Paul Kagame ashimira abaturage bo baturiye pariki  kubera uruhare bagira yo kubungabunga  ndetse no gufata neza Pariki y’ibirunga cyane cyane ingagi. Ati: “Perezida wa Repubulika yantumye ngo mbabwire ko abakunda kandi ngo murasobanutse”. 

Yakomeje avuga ko 5% by’amafaranga aturuka mu bukerarugendo ahabwa abaturage baturiye akagace kugirango biteze imbere. Minisitiri w’intebe Pierre Damien yasoje ijambo rye yongera gusaba  abaturage gufata neza iyi pariki ati: “Ndetse ntihazagire  uzayitunga n’urutiki, uzashaka kuyonona muzamushyikiririze inzego z’umutekano”.

Photo/Dr Tsuki

Daddy SADIKI RUBANGURA
UM– USEKE.COM