Abakomeye ku isi Dream Boys yifuza guhura nabo

Itsinda rya Dream Boys ririmo abasore 2 aribo Nemeye Platini na Mujyanama Claude uzwi nka TMC muri muzika, Nyuma yo guhura mu mwaka wa 2009 ni rimwe mu matsinda akomeye mu Rwanda. Dream Boys ifite abantu yumva yifuza kuzahura nabo bakomeye ku isi.

Mujyanama Claude uzwi nka TMC yifuza guhura n’abagabo 4, abo bantu ku mwanya wa mbere harazaho Perezida w’u Rwanda Paul Kagame.

1. Perezida wa Repubulika y’u Rwanda Paul Kagame akamubaza kuri politike yo mu Karere, akanamusaba ko amubwira muri make uko urugamba rwo kwibohoza rwagenze.

2. Bill Gates akamubaza ibanga akoresha mu gucunga neza umutungo we n’uburyo akoresha ngo akomeze aze ku myanya y’ambere mu baherwe.

3. George W. Bush akamubaza niba koko Illuminati ibaho, ngo yanakwishimira ko amusobanurira muri rusange uko politike y’isi ikora.

4. Jay Z yamubaza ibanga akoresha muri muzika, dore ko ari umwe mu bahanzi bakomeye kandi wubashywe cyane.

Nemeye Platini atandukanye cyane na TMC mu byifuzo byabo nubwo ari inshuti zikomeye cyane nyuma yo kuba ari abahanzi.

1. Perezida wa Repubulika y’u Rwanda Paul Kagame akamubaza uburyo umuziki w’u Rwanda awumva n’uburyo awufata.

2. Christiano Ronaldo, bakaganira cyane kubyerekeye football dore ko anayikunda cyane, akaba anashimishwa no kureba umukino Christiano yakinye. Ndetse Platini anafana ikipe ya Manchester United

3. Mark Zuckerberg (washinze Facebook) akamubaza aho igitekerezo cya Facebook cyavuye, n’uburyo akoresha ngo ikomeza iri iyambere mu mbuga nkoranyambaga, dore ko anakunda umwuga w’imyenyeshabikorwa anahamya ko iyaba atari umuhanzi aribyo yaba akora.

Sobanukirwa ubuto bw’umuhanzi Platini.

Platini yari umwana w’inkubaganyi cyane kandi ukunda kurwana n’abaturanyi, rimwe yigeze kurwana n’abana bari baturanye baterana amabuye, nuko atera amabuye agwa mu cyumba ababyeyi bari barimo kuruhukiramo bimubera ibibazo cyane.

Sobanukirwa ubuto bwa TMC

TMC atandukanye cyane n’abandi bahanzi twaganiriye kugeza ubu. Mu bwana bwe yaritondaga cyane ku buryo ababyeyi be bamwishimiraga, nkuko abenshi muri twe twakubiswe tukiri abana we ngo inshuro yakubiswe ntizerenze ebyiri.

Kimwe mu bintu Dream Boys itinya cyane.

TMC na Platini bafite ibyo batinya bitandukanye, ariko hari icyo bombi bahuriyeho kijyane n’imyemerere ya gikristu. Bombi batinya kuzagira iherezo ribi ry’ubu buzima.

Aba bahanzi rero buri umwe afite andirimbo akunda mu ndirimbo zose bamaze gukora.
TMC kugeza ubu indirimbo akunda ni ‘Isano’ ngo kubera amateka yayo maremare. Naho Platini indirimbo arutisha izindi muzo bamaze gushyira hanze ni ‘Si Inzika ‘ .

Umva indirimbo nshya baheruka gushyira hanze bise ‘Tujyane i wacu”.

[youtube url=”https://www.youtube.com/watch?v=kZofYC0AjxU” width=”560″ height=”315″]

Joel Rutaganda

ububiko.umusekehost.com