Abahanzi mu matora ya Referendum
Mu gikorwa cy’amatora cyazindutse kiba mu bice byose by’u Rwanda, bamwe mu bahanzi nabo bafashe iya mbere bitabira amatora ya ‘Referendum’ bazindutse. Platini, Senderi, Pacy na Massamba ni mu batoye kare kuri uyu wa gatanu.
Aba bahanzi bavuga ko usibye kuba amatora ari uburenganzira ariko kuri bo ari n’inshingano yo guhitamo aho igihugu kigana. Kandi ko ari inshingano kuri buri munyarwanda.
Massamba Intore wageze ku biro by’itora ku Kacyiru ku mashuri abanza ahagana saa moya zuzuye avuga ko ari igikorwa kireba buri wese aho ari.
Yagize ati “Kuba ndi umuhanzi nkaba nzwi n’abantu benshi ngomba no kuzinduka nkajya ku murongo kimwe n’abandi bose ngatora, nkakora iyi nshingano nk’umunyarwanda.
Ibyo kuba umuhanzi mba nabisize mu rugo hano nkaza gutora. Kandi mpamya ko amatora aza kugenda neza”.
Nemeye Platini wo mu itsinda rya Dream Boys nawe wazindutse kare ajya gutora i Nyabisindu muri Kicukiro, yavuze ko igikorwa cy’amatora ntawe kitareba mu banyarwanda.
Yagize ati “Amatora areba buri munyarwanda wese uri mu gihugu no hanze. Ntabwo ari ubufasha runaka Leta yaka ahubwo ni ukwiyumvamo ko icyo gikorwa nawe kikureba nk’umunyarwanda utitwaje uwo uri we”.
Senderi International Hit watoreye mu Murenge wa Gikondo, ni umwe mu bahanzi nabo bazindutse bajya mu matora, kimwe n’aba nawe akavuga ko ari inshingano n’uburenganzira kuri we.
Oda Paccy umuhanzikazi mu njyana ya HipHop, nawe yitabiriye amatora yabaye mu gitondo kare cyo kuri uyu wa gatanu tariki ya 18 Ukuboza 2015.
Joel Rutaganda
UM– USEKE.RW
English
11 Comments
Oya ni mutore uwampaye inka nizeye ko muri gutora mwazirikanye ikirezi twambaye nk’abanyarwanda
SHA NTA NDIRIMBO ZABO NZONGERA KUNVA NARIMWE CYANGWA KU GURA….!!!!
Uzarorere sha Kazarama we maze uzarame kurushaho!!! Asyigari weeeeee
NDAMAZE SHA!
Hhhhh! Wifuzaga ko bakora se iki mama! Bareke gutora! Gutora ni ihitamo, ubwo uhise ubatekerereza ibyo batoye.
Ukwiye ingando kbs,
ngo senderi yinjiye mubwiherero? muri toilet? aho batorera ni mubwihugiko ntabwo ari mubwiherero jama
ariko aragaragara nkaho hari umuntu uri inyuma ye ndetse anamufotora ntabwo yiherereye .
SALUT NEJEJWE NO KWIHITIRAMO IBYO NIFUZA MU MUTIMA,NIZERE KO IBIZAVAMO TUZABYISHIMIRA TWESE ,NAHO UTAZONGERA KUGURA INDIRIMBO ZA BANTU ,IBYO NTACYO BYATANGA ,EMERA KO URI AGATONYANGA MU NYANJA MERCI
Aba basore ninkumi bamenye icyo politiki aricyo bagombye kukigendera kure, barebe bakuru babo bamwe bishwe abandi bari muri mabuso cyangwa mubuhungiro.Imana ibahe ubushishozi buhagije.
nyiramubande ngo ni abahanzi,hahanze sebanani,rujindiri,rugamba,rodrigue……(RIP)
Kazarama ni uburenganzira bwe kubyunva nkuko abyunva ariko yibukebkonturi muri democracy. Amenuenko abanyarwanda 98 ku ijana bemeranywa nibyo bariya baririmbyi bakoze hanyuma we n’abo basangiye ibitekerezo nano bakaba ari munsi ya 2ku ijana reo Kazarama ubaha ibitekerezo bya abanyarwanda kuko ubu bagutsinze naywe tuzakubahiranimitekerereze yawe itandikanue n’iyacu ntan’ukwiye. Kuyikuziza…ariko umwanzuro wafashe uragayitse. Ntuzagura. Indirimbo. Abana ntibaziga kuko abrimu batoye yego…ntuzivuza kuko abaganga bavuze ngo yego… ntuzarya ntuzaryama. Etc
Comments are closed.