Sebanani E.Crespo muri Police FC. Abandi bakinnyi bahinduye…

Umukinnyi Sebanani Emmanuel Crespo ntakibarizwa mu ikipe ya Mukura VS, Crespo wari umaze n’igihe kinini adakinira iyo kipe kubera ikibazo cy’ubwumvikane bucye hagati ye n’umutoza Kaze Cedrick, ubu akaba abarizwa mw’ikipe ya Police FC nkuko tubikesha ubuyobozi bw’iyo kipe.

Amasezerano Crespo yarafite muri Mukura yari kuzarangira mu kwezi kwa mbere umwaka utaha, ikipe ya Mukura VS mu bwumvikane na Police FC yemereye umukinnyi Sebanani Emmanuel ko agomba kwerekeza mw’ikipe ya Police FC akayikinira ku kiguzi kitatangajwe kigomba guhabwa Mukura.

Abakinnyi nka Mwemere, Mutabazi Jean Paul na Jimmy Mbaraga nabo bivugwa ko bamaze gusinyira ikipe ya Police Fc gusa umutoza wa AS Kigali Casambungo Andre atangaza ko aba bakinnyi bazahanwa kuko bari bagifite amasezerano n’iyi kipe.

Nubwo amakipe amwe n’amwe yatangiye kugura abakinnyi, Gasigwa Michel umunyamabanga mukuru wa FERWAFA avuga ko amakipe amwe yatangiye kugura abakinnyi rwihishwa ariko FERWAFA ikaba itarabimenyeshwa.

Ati “umukinnyi tuzi n’umwe gusa ni Crespo wumvikanye n’ikipe ya Police FC nt’abandi bakinnyi amakipe yari yadutangariza yamaze kugura.”

Dore bamwe mu bakinnyi bivugwa ko bahinduye amakipe

JD Nsengiyumva Inzaghi
UM– USEKE.RW