Njye ntabwo ndi umujyanama wa Allioni- Muyoboke

Muyoboke Alexis umenyerewe cyane gufasha abahanzi gutera imbere ababera umujyanama ‘Manager’, nyuma y’aho hari hamaze iminsi havugwa ko yaba ariwe ugiye gufata umuhanzikazi Allioni yaje gutangaza ko yamufasha nk’uko afasha abandi ariko bitiswe ko ari umujyanama we.

Nk’uko yabitangaje muri Sunday Night yagize ati “Njye ntabwo ndi umujyanama wa Allioni, kuko namufasha nkuko nafasha undi uwo ariwe wese”.

Ibi yabitangaje nyuma y’aho k’urubuga nkoranyambaga rwa facebook abantu benshi barimo kuvuga ko Muyoboke yavanye na Allioni muri Uganda gukorana indirimbo na Washington.

Ubu Allioni yashyize hanze indirimbo nshya yise “Umusumari” yakoranye na Washington ukomoka muri Uganda.

Muyoboke Alex ni umugabo uzwi cyane mu gufasha abahanzi kuzamuka. Yakoranye na Tom Close, Dream Boys na Urban Boys bose akagira urwego abavanaho n’aho abageza.

Abahanzi benshi usanga bifuza gukorana n’uyu mugabo Muyoboke.

Muri iki gihe nta muhanzi bafitanye amasezerano y’imikoranire.

Joel Rutaganda
UM– USEKE.RW