Producer David yari ahitanywe n’abantu atazi

Joel Rutaganda
07/12/2013

Mu ijoro ryo ku wa 11 Nyakanga 2013 ahagana mu ma saa tanu z’ijoro nibwo umwe mu batunganya ibihangano by’abahanzi mu nzu yitwa “Future Records” uzwi ku izina rya David, yaje guhura n’abantu ubwo yari mu nzira ataha baramuhagarika nk’aho bashaka kumusuhuza maze umwe aramufata aramukomeza undi atangira kumukubita nkuko yabitangaje.

David iwe mu rugo akihagera avanywe kwa muganga

Mu kiganiro na UM– USEKE, David yagize ati “Nahuye n’abasore babiri ntazi hanyuma barampagarika njye ngirango wenda barashaka kumbaza uko nkora indirimbo n’aho wenda nkorera, gusa naje kubona umwe ansimbukiye aramfata hanyuma undi atangira ku nkubita ingumi n’imigeri mu mbavu, nibwo nagerageje kubiyaka ntera induru nkubita urubavu kuri borodire y’umuhanda ari naho naje kuburira umwuka naje kwicura ndi kwa muganga”.

Nk’uko bisobanurwa n’umukunzi we ariwe Anita Pendo, avuga ko yariho yitegura kwerekeza i Musanze ahazabera Guma Guma ku munsi w’ejo, maze abona ubutumwa ko David amerewe nabi kwa muganga.

Ati ” Nahise mbisubika nza kumureba ngo ndebe uko amerewe, ariko byadushobeye turacyibaza icyo aba bantu bamushakagaho n’abo ari bo.”

Uyu musore utunganya muzika yavuye mu bitaro none kuwa gatanu nyuma yo koroherwa ubu akaba arwariye mu rugo.

David avuga ko nta muntu azi bafitanye ikibazo ku buryo yashaka kumuhitana cyangwa kumugirira nabi.

Producer David ahantu ababara cyane ni mu rubavu

Joel Rutaganda
UM– USEKE.RW

0 Comment

Piano says:
07/12/2013 at 13:15

Yayaya pole mwana wiwacu! Abagome c sha wagirango barashize??? Pole reka dutegereze iperereza rya police icyo ritangaza!!!

kalisa says:
07/12/2013 at 13:24

abantu nibabi koko uwo musore ko yitonda akabana nabantu bose ntawe ahutaza bamuzizaga iki koko? isi ni ngome, David pole cyne.

fany says:
07/12/2013 at 13:27

ni David Pro muri Future records ayiga mana weeeee, uziko abeza aribo bagira abanzi, innocent person

uu says:
07/12/2013 at 16:52

utuboko twe turoroshye cyanee natangire imyitozo nawe ajye abahonda yirwaneho yawiwe kutagira imbaraga kabisa

yeah says:
07/12/2013 at 18:18

pole sana

eric habiyambere says:
07/12/2013 at 20:24

Ahaaa!!yewe David ihangane ubwo ugihumeka.imana ikomeze ikurinde.gusa umukunzi wawe nakomeze akube hafi.police yacu ikomeze iperereza kubwamahirwe yazadufasha kumenya abo bagome.

NIYIGENA EUGENE says:
07/12/2013 at 20:42

ihangane muvandi isi ningome ubwo batangiye kukugira ishyamba

kananura says:
07/12/2013 at 21:42

Ntampamvu yo kugira amaboko akomeye ngo uhondagure abandi ,ibyo ni urugomo !Nibangahe bakora izo sports bagapfa nk inkoko?Abakora ibyo tôt ou tard isi izabashyira ahagaragara !kdi abenshi ni ingegera z’imburamukoro zinanirwa gukoresha amaboko zikitwikira ijoro zigamije kurya iby ubusa!Imana igukize musore!!!!!

indwanyi says:
07/14/2013 at 12:28

ariko mwagiye mukina karate!!! umuntu ajya gutereta nta na kata nka zingahe azi?aziigire kuri ba jimmy, jean claude van damme, Schwarzenegger aka commando, etc- sugushinyagura rwose ariko anita ajye akunda abantu bazi kurwana!!!!

kabano says:
07/14/2013 at 12:42

pole wangu! ibyo birakwereka ko wageze kw”isi kandi Amagi yarabivuze abantu babihindura urwenya kandi nimwenibyo yavugaga, gusa wowe komeza ukore kuko harinda imana, inzego z’umutekano zikunganira, urware ubukira.

eric says:
07/14/2013 at 21:37

Pole kandi vuba uraba wasubiye mukazi kawe,Ibyo bibaho gusa Nshimye Uwo mwana wumukobwa ukurwaje,inshuti naho uyimenyera

Comments are closed.

Share this:

0 Comment