Ndasaba EAP na Bralirwa kutazakoresha amaranga mutima- Young Grace
Abayizera Grace uzwi cyane ku izina rya Young Grace arasaba ko irushanwa rya Primus Guma Guma Super Star ribaye ku nshuro ya gatatu abashinzwe ibikorwa bya ryo aribo “East African Promotors” ‘EAP’ ndetse na Bralirwa ko batazakoresha amarangamutima ku itangwa ry’ibihembo ku bahanzi.
Young Grace aganira n’umunyamakuru w’Umuseke yagize byinshi atangaza ku irushanwa rya PGGSS uko aribona.
UM– USEKE: Irushanwa rya PGGSS urifata gute nkawe nk’umuhanzi?
Young Grace: Yea PGGSS ni irushanwa ryiza cyane kuko usanga rifasha abahanzi kumenyekana kurushaho ndetse n’uburyo bw’amikoro bukiyongera.
UM– USEKE: Umwaka ushize wari mu bahanzi 10 baryitabiriye, waba waratewe n’iki kuba kuri ino nshuro utaragaragaye mu bahanzi batoranyijwe ko baryitabira?
Young Grace: Sha nyine ubwo hari impamvu njye ntazi kuko ndizera ko umwaka ushize nakoze, kandi niyo naba ntarakoze sinari kugera mu bahanzi 11 bakoze ngo singaragaremo.
UM– USEKE: Waba ucyeka ko byaba byaratewe n’iki Young Grace?
Young Grace: Ntabyo nzi tuu!!
UM– USEKE: Waba ushyigikiye uwuhe muhanzi muri iri rushanwa rya PGGSS3 risa nirigeze k’umusozo?
Young Grace: Njye nshyigikiye Knowless kabisa!
UM– USEKE: Kuki ariwe wahisemo gushyigikira?
Young Grace: Impamvu ni uko ashoboye kandi ari umuhanzi umaze kugera ku mwanya wanyuma kuva yakwitabira iri rushanwa ku nshuro zose amaze kuryitabira.
UM– USEKE: Ese aramutse ataryegukanye kuri wowe wabifata gute?
Young Grace: Sha byaba hari ukundi byagenze kabisa, kuko Knowless iyi nshuro yaranyemeje peee!!urebye uburyo yabaga yateguye stage ye, ukumva n’imiririmbire ye bitandukanye cyane na Knowless w’iyindi myaka yarakoze bishoboka.
UM– USEKE: Hari impungenge se waba ufite ku bantu bategura iri rushanwa ko wenda ibyo bazatangaza biramutse bitakunyuze haba hari izindi nzira babinyujijemo?
Young Grace: Yeah, impungenge zo ntabwo zabura kuko umwaka ushize navanyemo na Knowless kandi abakomeje aribo King James ndetse na Jay Polly bataraturushaga amanota, kuko twakurikiranaga umunsi k’umunsi amanota yacu, gusa twarabyemeye kuko nta kundi twajyaga kugira, rero sinakwizera ko iyi nshuro nabwo bitabaho.
UM– USEKE: N’iki usaba abategura iri rushanwa noneho?
Young Grace: Kabisa ndabasaba ko batazakora ibyo bakoze umwaka ushize ngo kubera ko babonye umuhanzi runaka yasajije abantu ngo arabasimbutsa noneho bakumva ko ariwe ukwiye igihembo, noneho ari ibyo Jay Polly yajyaga gutwara PGGSS 2 kuko yarushaga King James abafana benshi.
UM– USEKE: Murakoze ku mwanya muduhaye Young Grace!
Young Grace: Murakoze namwe!
Joel Rutaganda
UM– USEKE.RW
English
0 Comment
Ibi ni ukuri niba ari aba fans Jay yarabamurushije umwaka ushize ariko King James aragitwara. Ni murebe neza rero mutazakora nkiby umwaka ushize. Courage Knowless
kabisa ntamarangamutima dukeneye. kuko ubu umukobwa niwe ugomba gutsinda vrmnt . na nyakubahwa president wa republic yarabivuze ko umukobwa arikitonderwa. kandi nomumategeko iyo muri gukora ikizami cyakazi runaka ari umuhungu numukobwa, bakanganya amanota, bitegetswe ko akokazi gahabwa umukobwa. so igikombe nicya knowless atarinuko arumukobwa uhanganye nabagabo10 gusa ahubwo kubera nibikorwa byiza yagaragaje.
aka kana karabishoboye, erega ni nakeza, ndetse kagerageza no kwicisha bugufi, njye nfite n’ ika nayigaha rwose, oyeeeee Knowless.
Ariko kuri paragraph yanyuma uyu mwana yinyuzemo!……….ngo kubera ko babonye umuhanzi runaka yasajije abantu ngo arabasimbutsa noneho bakumva ko ariwe ukwiye igihembo, noneho ari ibyo Jay Polly yajyaga gutwara PGGSS 2 kuko yarushaga King James abafana benshi… !!! Aha uratubeshye nta narimwe King yarushije abafana Jay! ahubwo kuri iyi nshuro abantu nkawe muzabona akamaro kabafana turaje tukibatwara ibisumizi natwe twaragikoreye! Amahoro
ese ibisumizi mugira ngo biroroshye gutanga guma guma si ubwiza ndumva uvuga kubwiza we azahabwa icya miss nagikorere wowe uzamuhe inka kubwawe ariko ibisumizi biragikwiye bigitware rusake oyeeee
Comments are closed.