SELEKTA COOPA yatumiye Lil G mu gitaramo kizabera i Bujumbura

Sosiyete ifasha mu kumenyekanisha abahanzi mu Burundi izwi nka SELEKTA COOPA yatumiye Lil G mu gitaramo cyo kwakira abanyeshuri bazaba binjiye mu biruhuko.

Lil G yagize icyo atangaza kuri ubwo butumire yabonye. yagize ati “Byaranshimishije cyane kuba naratumiwe muri icyo gitaramo kuko biba binyereka ko ngomba gukoresha imbaraga zanjye zose kugirango n’ubutaha ikindi gihugu kitari u Burundi kizantumire”.

Iki gitaramo giteganyijwe kuba ku itariki ya 27 Nyakanga 2013, gusa Lil G azahaguruka kuri uyu wa kane yerekeza i Burundi muri icyo gitaramo.

Lil G ni umwe mu bahanzi bazamutse bakiri bato cyane, gusa kugeza ubu ari mu mwaka wa gatandatu w’amashuri yisumbuye.

Joel Rutaganda
UM– USEKE.RW