Abana batandatu bakatiwe gufungwa nyuma yo kwica umusifuzi

Abahungu batandatu  bagize uruhare mu rupfu rw’umusifuzi mu Ubuholande bakatiwe igifungo kigera ku myaka ibiri. Ni abasore bafite imyaka iri hagati ya 15 na 17.

Aba basore barazira gukubita umusifuzi  Richard Nieuwenhuizen bikamuviramo kwitaba Imana.

Richard Nieuwenhuizen yakubiswe n’aba basore kuwa 2 Ukuboza 2012 ubwo yabasifuriraga umukino w’abana bato batabigize umwuga nyuma y’ubwumvikane bucye n’abakinnyi baramwibasira barahondagura imigeri n’amakofe bikomeye.

Uyu musifuzi w’imyaka 41, yajyanywe mu bitaro ariko kuko abana bari bamukubise bikomeye bituma atarangiza umwaka wa 2012 yitaba Imana kuwa 09 Ukuboza 2012.

Umucamanza  Anja van Holten atangaza ko aba basore batandatu  bakatiwe icyo gifungo kuko nta numwe wari ufite umugambi wo kwica.

Batanu muri bo bakatiwe imyaka ibiri y’igifungo n’amezi atandatu.

Umuto muribo we yakatiwe umwaka umwe n’amezi abiri mu munyururu.

Umubyeyi w’umwe muri izo nsoresore w’imyaka 51 we akaba yakatiwe imyaka itandatu mu buroko kubera uruhare mu gushyigikira abo bana bakubitaga umusifuzi ahari.

dutchnews.nl

JD Nsengiyumva Inzaghi
UM– USEKE.RW