Impanuka ikomeye yahitanye 2 i Rusizi

Rusizi: Impanuka yahitanye 2 abandi 15 barakomereka

Kuri uyu wa gatanu mu masaha ya saa munani (14h00), mu murenge  wa Mururu mu karere ka Rusizi habereye impanuka y’imodoka yo mu bwoko bwa JP Toyota ikorera umuryango Croix Rouge iyo  modoka ikaba yavaga muri Repubulika iharanira Demokarasi ya Congo ahitwa  Uvira yerekeza  i Bukavu nuko  ihura n’ indi modoka ya minibisi yavaga Bukavu yerekeza Uvira iyi mpanuka ikaba yahitanye abantu 2 .

Hari mu ma saa munani ubwo iyi mpanuka yabaga .iyi modoka ya JP ikaba yerekezaga ahitwa Rusizi rwa mbere ahitwa mu Gatandara  ikaba yaturukaga  ahitwa i Mutongo aho yahuye n indi  yo mu bwoko bwa  minibisi yerekezaga Uvira. M,aze boiragongana, nk’uko byatangajwe na bamwe mu babibonye ngo iyi mpanuka yatewe n ‘umuvuduko munini.

Sibomana Pacific ni umwe mu bamotari b’i Kamembe wari hafi aho ubwo iyi mpanuka yabaga.  Avuga ko yari mu muhanda werekeza kuri Magerwa akongeraho ko iyi modoka ya JP yari ifite umuvuduko ukabije.

Yagize ati : “yatewe no gushaka kudepasa nabonye  iriya modoka yihuta njye ndagabanya yatewe n umuvuduko y’ uwari utwaye JP yarafite’’. Izi modoka mbonye zigiye kungonga nahise ngabanya zagonganye numve ibintu biraturitse duhita dukuramo abantu dusaga abantu 2 bitabye Imana’’.

Undi muturage waganiriye n’Umuseke.com yagize ati: “urebye uko iyi JP yagendaga wagirango uyu mushoferi yayoborwaga na Satani wagirango niyo yari umufashe ni ukuri uretse ko kandi  wakeka ko  uyu mushoferi wa JP yari umusinzi naho ubundi wagira ngo ni nka satani yarimufashe kuko yihutaga cyane”.

Ubwo Umuseke.com wageraga  ku bitaro bya Gihudwe   wabajije Muganga Dr. Celestin  Ntawuhungakaje wakurikiraniraniraga hafi ibyo abo bagize impanuka akaba yavuzeko 2  bo muri iyo mpanuka bari indembe cyane bahise bitaba Imana.

Yagize  ati :”Abagize impanuka ni 17 , babiri ( 2)muri bo bahise bitaba Imana ,3 muri 17 bamerewe nabi ni indebe ku buryo bacyeneye kwimurirwa mu bindi bitaro (Transfer) abandi bari aho babagira kugirango turebe uko tubafasha hari n ‘abandi  bari aho twakirira indembe. Abandi 2 turikureba ku twabakorera (transfert) kubimurira mu bindi bitaro”

Izi modoka zombi  abari bazirimo bakaba bari Abanyekongo bose. impanuka ikimara kuba abaturage bahise batabara   babifashijwemo na polisi y’u Rwanda . Abarimo bari abanyekongo bakora ibikorwa by’ubucuruzi    hagati y’ibihugu by’u Rwanda na Repubulika iharanira Demokarasi ya Kongo.

Jonas Muhawenimana
Umuseke.com /Rusizi