Lukaku azaba undi Drogba wa Chelsea – Mourinho

Romelu Lukaku azagaruka muri Chelsea FC muri ‘Saison’ itaha nkuko byemezwa na The Sun. Iki kinyamakuru kandi kirahamya cyane ko Mourinho ariwe uzaba ari gutoza iyi kipe, uyu munya Portugal ngo yaba ashaka guhindura Lukaku akamugira nka Drogba yahoranye.

Romelu Lukaku umwaka utaha muri Chelsea ngo azahabona amahirwe yo kujya mu kibuga bitewe n’uko umutoza Jose Mourinho ngo amwemera cyane.

Uyu musore w’umubiligi unyaruka kandi w’imbaraga yibutsa cyane Mourinho umunya Cote d’Ivoire Didier Drogbabagiranye ibihe byiza i Londres.

Lukaku we aherutse kuvuga ko niba yongeye kuba intizanyo nanone (kuko ari umukinnyi wa Chelsea) yifuza gukipa mu ikipe nibura ikina irushanwa rikomeye i burayi, aho kuguma muri West Bromwhich, aho ubu mu mikino 48 yatsinze ibitego 17 birimo na “hattrick” ebyiri yatsinze Manchester United i Old Trafford.

Ibi bigwi yagize ari intizanyo byatumye atorerwa kuba umukinnyi w’umwaka mu ikipe ya West Bromwhich Albion. Uyu musore kandi mu 2009-2010 yabaye umukinnyi watsinze ibitego byinshi muri Jupiler League (shampionat y’ababiligi) ubwo yari muri Anderlecht maze Chelsea ihita imugura miliyoni 10£.

JD Nsengiyumva Inzaghi
UM– USEKE.RW