Volker Finke niwe wagizwe umutoza wa Cameroun

Volker Finke, Umudage w’imyaka 65 ubu ni we mutoza mushya w’ikipe y’igihugu ya Cameroun (Lions Indomptable), uyu mugabo abonye uyu mwanya nyuma yo gutsinda abandi batoza nka Raymond Domenech, Antoine Kambouare, Sven Goran Ericklson. Gutsindira uyu umwanya kuyu mutoza bikaba byagizwemo uruhare na PUMA sosiyete y’Abadage itera inkunga iyi kipe mu bijyanye n’imyamabrire.

Finke uvuga neza igifaransa n’icyongereza ndetse n’ikidage cy’iwabo, agomba kuba muri icyo gihugu (Cameroun) nk’uko amasezerano abyemeza, yahawe kontaro y’umwaka umwe gusa akazajya ahembwa ibihumbi 20 by’amayero.

Asimbuye Jean Paul Akono uherutse guhura n’ibizazane kuri uyu wa kabiri ubwo yasurwaga na Minisitiri wa siporo wa Cameroun agahita afatwa n’indwara y’umutima gusa ubu akaba ari gutora mitende.

Volker Frinke yatoje ikipe ya SC Freiburg imyaka igera kuri 15 gusa akaba nta burambe afite mu gutoza amakipe y’ibihugu kuko ari bwo bwa mbere abonye ako kazi.

Umukino wa mbere azatoza uzamuhuza n’ikipe ya Ukraine tariki 2  Kamena 2013 i Kiev, nyuma akazahura na Togo taliki 9 ndetse na RDC taliki 16,

Volker abaye umutoza wa kane w’Umudage utoje Cameroun nyuma ya Peter Schnittger (1970-73), Winfried Schâfer (2001-2004) na Otto Pfister (2007-2009), uyu Otto akaba yaratoje Amavubi mu Rwanda mu myaka ya 1970.

Jeunne Afrique

JD Nsengiyumva Inzaghi
UM– USEKE.RW