NUR VC: Imyiteguro yo kwerekeza Misiri

NUR VC Mumyiteguro yo kwerekeza muri  Misiri

Bimaze kumenyekana ko imikino y’amakipe yabaye ayambere iwayo muri Volleyball yimuriwe mu Misiri nyuma y’aho Maroc igaragarije ubushobozi buke bwo gutegura iri rushanwa. Hasigaye iminsi 7 ngo ikipe ya Kaminuza Nkuru y’Urwanda ya Volleyball yerekeze muri iy mikino. Imyitozo ikarishye irakomeje muri Kaminuza kugira ngo izitware neza.

Ikinyamakuru umuseke.com kikaba cyasuye iyi kipe aho irimo gukorera imyitozo muri gymnase ya Kaminuza kiganira n’umutoza Paul Bitok adutangariza imigambi bafite.

umuseke.com:  Kuki muri gukora imyitozo yo gukuramo imipira gusa (Block)?

Coach Bitok: turakora imyitozo imeze gutya kuberako twasanze ikipe yacu ikeneye kugarira. Ibi turabikora kugirango twirinde kuzatsindwa ibitego byinshi.

umuseke.com: Ese abakinnyi muzajyana biteguye bate?

Paul Bitok: Abakinnyi bose ni bazima nta numwe uragirira ikibazo mu myitozo.

umuseke.com: Abakinnyi  Mukunzi Christopher na ­­Kwizera Marechal ko batari mu myitozo?

Coach Bitok: Aba bakinnyi ni bazima uretse ko basabye uruhushya ngo bage gukemura ibibazo bari bafite. Bagomba kuza bagasanga abandi kuri uyu mugoroba.

umuseke.com: Murateganya kwitwara gute muri Maroc?

Paul Bitok: Dufite ikipe ikiri ntoya mu myaka ariko intego yacu ni ukugera byibura muri kimwe cya kabiri.

Paul Bitok akaba ari gutoza kaminuza kuko usanzwe ari umutoza Mukuru Nyirimana Fidel na Bagirishya Jean de Dieu (Castar) umwungirije bari mu mahugurwa y’abatoza abanziriza aya marushanwa.

Uyu mutoza ngo akaba afitiye ubwoba  bw’ikipe ya Zamarek yo mu Misiri, kubera ko ikinisha abakinnyi babigize umwuga kandi ikaba ikunda kwitwara neza.

Iyi kipe ya Kaminuza ikaba igomba gufata indege tariki ya 25 Mata ikerekeza muri iriya mikino nk’iyabaye iya mbere mu Rwanda.

HATANGIMANA Ange Eric
Umuseke.com