Inkoko 103 z’uwarokotse zararozwe

Nyanza: Mu kagari ka Gatagara mu murenge wa Mukingo mu karere ka Nyanza ku munsi w’ejo abantu bataramenyekana baroze inkoko103 muri 943 z’uwitwa Aimable Ndagijimana warokotse Jenoside yakorewe abatutsi 1994, bakoresheje ibinini byica imbeba basize ku ndagara bazicisha munsi y’urugi rw’inzu yazo.

Uwizeye Bernadete ni mushiki wa Aimable nyir’izi nkoko yagize ati “abaroze izi nkoko bashyize ku ndagara ibinini byica imbeba bari baseye maze baseseka munsi y’urugi iziriyeho zose zirapfa.”

Akaba yavuze ko nta muntu bakeka waba yakoze ibyo kuko ntawe bari bafitanye ikibazo muri ako gace dore ko bahaje Jenocide irangiye.

Umunyamabanga nshingwabikorwa w’umurenge wa Mukingo avuga ko bishoka kuba bifitanye isano n’itotezwa rikorerwa bamwe mubacitse ku icumu, gusa ngo iperereza rirakomeje kandi bafite icyizere ko aba bakoze ibi bazafatwa kuko hari ibimenyetso bimwe na bimwe batangiye kubona.

Bakaba nta bimenyetso beretse Umuseke.com ngo mu rwego rwo kutica iperereza.

PMJ
Umuseke.com