Amatora yararangiye ikizavamo kirazwi – Kagame

Vénuste Kamanzi
07/14/2017

Perezida Kagame avugira ijambo mu Ruhango

*”Ibizava mu matora birazwi nyine, uwo birya bimumene umutwe”

Ruhango – Ubwo yatangiraga ibikorwa byo kwiyamamaza Paul Kagame yavuze ko agendeye ku baturage barenga miliyoni enye (4 000 000) basabye ko Itegeko Nshinga rihinduka ndetse bakanatora ‘Yego’ muri Kamarampaka, ngo bigaragaza ko ikizava mu matora kizwi, kandi ngo ‘uwo birya umutwe bimumene umutwe’.

Paul Kagame asuhuza abaturage benshi bari bamutegereje.

Perezida Paul Kagame yatangiriye ibikorwa byo kwiyamamaza ku ivuko mu Karere ka Ruhango, mu murenge wa Ruhango mu kagari ka Munini mu mudugudu wa Kibongo, aho yavugiye ijambo rikomeye mu bijyanye n’amatora u Rwanda rwitegura tariki 4 Kanama.

Akigera ku kibuga kiri mu Mudugudu wa Kibingo, yakiriwe n’abaturage benshi cyane biganjemo urubyiruko, babyinaga indirimbo zinyuranye zivuga ibikorwa bya RPF-Inkotanyi na zimwe mu ndirimbo z’abahanzi bazwi cyane mu Rwanda, biganjemo abatweye irushanwa rya GumaGuma SuperStar bose bari mu Ruhango.

Kagame yabwiye abaturage ibihumbi ko kuba ibitangazamakuru bivuga ko amatora (yo mu Rwanda) nta matora ayarimo kuko ikizayavamo kizwi, ko kutamenya ibizavamo byaba ari cyo kibazo.

Yagize ati “Abanyamakuru bagira uburenganzira ariko si bo bonyine babufite n’abo bandika barabufite…Barandika ngo aya nta matora arimo…Biranshimishije kuko tuzi ikizayavamo. Ikizayavamo uwajya aha akabeshya ngo ntikizwi yaba abeshya.

Ikizava mu matora cyamenyekanye mu Ukuboza 2015. Iyo politiki yo kubeshya iba ahandi…Abantu niba referendumu barayikoreshejwe ku gitugu icyo cyaha ndacyemera.”

Kagame yavuze ko abanyamakuru bafata abakandida bashaka bakabashyira hariya babura ababajya inyuma bakaberka kubera ko bo badatora.

Ati “Ubudasa bwa politiki y’u Rwanda niba abanyamahanga batabyumva amaso nabahe. Aho Abanyarwanda bavuye (habi) ni abo bashyizeho bahabagejeje. Bashyize mu gaciro abo bavuga ubusa bari bakwiye gufatanya n’Abanyarwanda.”

Kagame yizeje abatuye Ruhango, gukomereza iterambere aho igihugu kijyeze, haba mu kubaka ibikorwa remezo birimo guha buri Munyarwanda amashanyarazi, kubaka amashuri, kubaka amavuriro, kubaka imihanda no gukomeza umutekano.

Ati “Ibyo byose hari aho tugeze turashaka kongera intambwe, imvugo tukayirekera ba bandi bavuga, bakavuga twe tugakora…Ukuvuga nabi uramureka ntacyo biba bitwaye.”

Kagame yashimye amashyaka umunani yiyunze na RPF ndetse shimira na Green Democratic Party of Rwanda na PF Imberakuri nubwo ngo badahuje umurongo na RPF na bo batanga umusanzu mu kubaka igihugu.

Yashimye RPF yongeye kumugirira icyizere.

Asoza ati “Ibizava mu matora birazwi, birazwi nyine, uwo birya umutwe, bimumene umutwe. Kwiyamamaza tubigire ibyo kwishima.”

Abaturage baganiriye n’Umuseke bavuze ko basaba Perezida Kagame gukomereza aho yari ageze ariko akazongera amazi ku batayafite, ndetse akazanafasha abakennye kubona ubwisungane mu kwivuza.

Perezida Kagame avugira ijambo mu Ruhango

Mu baturage hagati abamwegereye barabasha kumuramutsa bamukoraho

Perezida Kagame umukandida wa RPF asuhuza abaturage

Urubyiruko rwari rwishimiye Umukandida wa RPF

Uyu yari yaje kureba imbona nkubone Perezida wa Repubulika akaba umukandida wa RPF-Inkotanyi

Kera ngo yari umukecuru ubu yabaye inkumi aracinya akadiho

Ibihumbi by'abanyamuryango ba RPF - Inkotanyi bari baje kwereka umukandida ko bamushyigikiye — Ibihumbi by’abanyamuryango ba RPF – Inkotanyi bari baje kwereka umukandida ko bamushyigikiye

Kagame ati "Amatora yararangiye, ikizavamo kirazwi" — Kagame ati “Amatora yararangiye, ikizavamo kirazwi”

Urubyiruko rwishimiye kwakira Umukandida wa RPF

Uwacu Juliene ukuriye ibikorwa byo kwamamaza Umukandida wa RPF-Inkotanyi, Kagame ati "Si Uwacu wa RPF gusa ni uw'igihugu cyose" — Uwacu Juliene ukuriye ibikorwa byo kwamamaza Umukandida wa RPF-Inkotanyi, Kagame ati “Si Uwacu wa RPF gusa ni uw’igihugu cyose”

Ndamyuwera Jean Sauteur umwe mu bavuze ibyo yagejejweho na RPF - Inkotanyi — Ndamyuwera Jean Sauteur umwe mu bavuze ibyo yagejejweho na RPF – Inkotanyi

Bari benshi mu buryo bugaragarira ijisho

Aba bakobwa bawubyinnye biratinda uruhande bafashe ntibatinya kurugaragaza

Abahanzi batwaye Primus Guma Guma bose bari muri iki gikorwa

Buri wese n'akapa kagaragaza ko ashyigikiye Kagame — Buri wese n’akapa kagaragaza ko ashyigikiye Kagame

King James azunguza ibendera rinini rya RPF-Inkotanyi

Mu kagare ke n'ibendera rya RPF- Inkotanyi — Mu kagare ke n’ibendera rya RPF- Inkotanyi

Ku muhanda werekeza mu Ruhango ibiti byari byambaye ibitambaro biriho amabara ya RPF- Inkotanyi

Ku muhanda ugana ku kibuga cy'i Kibingo ahabereye kwiyamamaza mu karere ka Ruhango — Ku muhanda ugana ku kibuga cy’i Kibingo ahabereye kwiyamamaza mu karere ka Ruhango

Ku muhanda byagaragariraga buri wese ko RPF - Inkotanyi yiteguye ibikorwa byo kwiyamamaza — Ku muhanda byagaragariraga buri wese ko RPF – Inkotanyi yiteguye ibikorwa byo kwiyamamaza

Imbere y'ingoro ya Yezu Nyirimpuhwe — Imbere y’ingoro ya Yezu Nyirimpuhwe

Umusaza yazamuye ibipfunsi byombi... — Umusaza yazamuye ibipfunsi byombi…

Uretse kuba yari yambaye ibirango bya RPF- Inkotanyi n'umuduri we yari yawambitse — Uretse kuba yari yambaye ibirango bya RPF- Inkotanyi n’umuduri we yari yawambitse

Nyuma yo kuvuga ijambo ryo kwiyamamaza, hakurikiyeho kamorali

AMAFOTO@MUGUNGA Evode/UM– USEKE

Ange Eric Hatangimana
Umuseke/Ruhango

35 Comments

alain says:
07/14/2017 at 12:39

abanyarwanda nitwe tuzi uwo dushaka , ikiriho ni ugushyira mubikora ibyo twiyemeje imbere y’amategeko twitorera Paul Kagame

kamanzi says:
07/14/2017 at 12:40

cyane rwose abanyarwanda turakiza ikizava mumatora icyo dushaka ni ukubishyira ahagaragara kandi imbere y’amategeko ntakindi, twitorera uwatugabiye

karekezi says:
07/14/2017 at 12:44

igisigaye ni ukubyerekana imbere y’amatora , ubu twebwe kubanyarwanda ni ubukwe rwose , igisigaye ni ugucyura umugeni wacu ,

Mugenzi says:
07/14/2017 at 12:44

Njyewe birya mumutwe ariko sinimanika kuko bucya bwitwejo.

lambert says:
07/14/2017 at 12:48

ku banyarwanda twe twibereye mu bukwe igisigaye ni uko ubukwe butaha ntakindi, imbere y’amategeko ubundi tukibyinira intsinzi rwose

samantha says:
07/14/2017 at 13:02

tutakimenya twabuzwa nande ko aritwe abanyarwanda tukigena, turakizi rwose , igisigaye ni ukubyina intsinzi nitumara gushyira mubikorwa ibyo twitemeje

samuel says:
07/14/2017 at 13:05

sans doute turakizi, kuko nitwe abanyarwanda tukigena kandi twabitangiye cyera igihe twatoraga referendum ,igisigaye ni ukubishyira imbere y’amategeko ubundi tukikomereza imihigo ntakindi

Muganga says:
07/14/2017 at 13:10

Amatora yararangiye nibyo, na referendum yararangiye. Ahubwo njye nibaza n’impamvu muzenguruka uturere twose, keretse niba ari ugukunda ingendo …

Sekuse says:
07/14/2017 at 13:57

nzagutora Paul wange, ahubwo itariki yantindiye. dukomeze turyoherwe n’ibirori twibyinire intsinzi nkuko aba Rayons babyina murera!!!! vive FPL vive Kagame paul.

Mbwirabumva says:
07/14/2017 at 14:04

alain+kamanzi+karekezi+lambert=1 person .
- richard says:
  07/14/2017 at 14:28
  
  wabibonye nawe! reba ukuntu ashyiramo utwitso n’aho tudakwiye kujya. ubuse kwiyita amazina meshi bimwungura iki

bigabo says:
07/14/2017 at 14:17

Nibyizaaaaaaaaaaaaa! mu kinyarwanya cyo hambere ubundi nta mwana warungurukaga mu Isahane ya Sekuru; itariki yo gutora niyo idutindiye tukabisoza imihigo igakomeza abafite intimba agahinda kabice!!!!!!!!!!1

BARAFINDA says:
07/14/2017 at 14:32

ibyo turabimenyereye.

Emmanuel says:
07/14/2017 at 14:56

Itariki iradutindiye gusa ngo twitahire ubukwe
- ntashyikiwa says:
  07/14/2017 at 16:08
  
  umusaza watubereye byose oyeeeee%%
- obed says:
  07/14/2017 at 16:20
  
  04/08 hatinze kugera ngo dutore INTORE IZIRUSHINTAMBWE . RPF OYE OYE OYEEE !!!!!

Habimana says:
07/14/2017 at 15:03

Harinabandi batorwaga gutyo mumyaka yashize.

Kary says:
07/14/2017 at 16:41

woow,Oyeee!!! Paul Kagame wanjye Allo

Ntashya says:
07/14/2017 at 17:10

Hahahahaaaaaaa. Tubivuga ngo ni ay’indondogozi! Prof Mbanda nabe ategura za PV vuba vuba atazadukerereza.

RUKIRAMAKUBA JEAN says:
07/14/2017 at 17:44

UBUNDI BATATU BABURANA BABIRI BABA BIGIZA NKANA: “ITARIKI ITINZE KUGERA NGO TWITORERE RUDASUMBWA ,INTORE IZIRUSHA INTAMBWE ,UWASUBIJE IKIREMWA MUNTU AGACIRO, UWACIYE UBUSUMBANE MUMASHURI,UWARWANYIJE IRONDABWOKO UWIMAKAJE NDI UMUNYARWANDA, UWO NTAWUNDI NI UMUSAZA PAUL KAGAME

kalinijabo says:
07/14/2017 at 18:14

@ mugenzi wabuze umugozi wo kwimanika ngo ngutere inkunga.

Teta says:
07/14/2017 at 18:50

Nyakubahwa President wacu dukunda cyane imvugo niyo ngiro rrwose tukuri inyuma.rwose amashanyarazi byo mukore ibishoboka atugereho twese hari aho usanga hibagirana nkaho usanga kugira ngo umuriro ukugereho bisaba amapoto nka ane abandi bagacana wowe ugasigara ucanye agatadowa kdi amafranga YO kuwishyura utayabuze mudufashe rwose mu karere ka kamonyi umurenge wa gacurabwenge akagari nkingo ahegereye urwibutso rwa jenoside yakorewe abatutsi 1994 rw’akarere ka kamonyi hari agace gato kaho kaheze mu bwigunge hepfo baracana haruguru ni uko ariko abandi twahezemo.mubyeyi wacu dukunda ni wowe wo kudutabara rwose kdi turakwizeye naho kugutora byo ni 100/100.

ALPHONSE says:
07/14/2017 at 20:02

Musaza Tukuri Inyuma Umunsi Uratinze Ngo Turirimbe Insinzi

Patrick Nishyirembere says:
07/14/2017 at 20:46

Ese mwanyibwirira ku umuseke mwaba mwamaze kumenya itariki First Televised Presidential debate yaba bagabo izaba nkazayikurikirana nkareba ibyo Mpayimana azavuga ni danger kabsa.

Ngofero says:
07/14/2017 at 21:32

Prezida hari ijambo rikomeye yavugiye mu Ruhango. Ncishirije, nuko demokarasi atari yo igejeje u Rwanda aho rugeze uyu munsi, abayishyira imbere bakaba bata igihe natwe bakidutesha. Ariko muri mitingi zitaha, jye numva byazamfasha kurusha atubwiye inkingi imutera ikibazo kurusha izindi muri eshatu zigize demokarasi; 1)nk’ubutegetsi bw’abaturage; 2)butangwa n’abaturage, 3)bukorera abaturage.
- Mbegeti says:
  07/15/2017 at 06:22
  
  Harya bakiri mumashyamba ntibavugagako baharanira kuzana demokarasi mu gihugu kiboshywe ningoma yigituga ya MRND?

Bella says:
07/14/2017 at 21:45

None se niba mukizi ayo matora nayiki? ibyiza nuko yakomeza gusa atiriwe aphusha ubusa afaranga yabanyarwanda ngo baragya mumatora nogutesha abantu umwanya.

Bella says:
07/14/2017 at 21:46

None se niba mukizi ayo matora nayiki? ibyiza nuko yakomeza gusa atiriwe aphusha ubusa afaranga yabanyarwanda ngo baragya mumatora nogutesha abantu umwanya.

Martin says:
07/14/2017 at 22:17

Ni filingi ya nyuma, namwe muzi ko iyi manda mutazayirangiza.
- nkunda says:
  07/15/2017 at 11:37
  
  ??????? UVUZ ENGO IKI WE? KEREKA NIBA ARIWOWE IZARANGIRA UTAKIRIHO. IGIHE MWAMUTEGEYE IMINSI NGAHO UBUHANUZI NGAHO IBIHU ZA 2012,2013 NAMBERE NGO NTARANGIZA MANDA NONE AFASHE INDI MUKANUYE NGO IKI? MUYOBOKE CYANGWA MUYOBORWE

Nene says:
07/15/2017 at 03:29

Ibi ntakintu bibibutsa??? Amateka yisubiramo.
Ese ko nabonye Vincent biruta wa PSD yambaye T-shirt iriho ifoto ya Kagame, ntibavuze ko mu matora ibyo bitemewe??

Qasim says:
07/15/2017 at 09:50

Amatora nayiki niba ikizavamo kizwi? NEC imaziki? Kalisa Mbanda harya azongera kuvugiki?

fifi says:
07/15/2017 at 20:21

ariko se niba umuntu afite icyizere cyo gutsinda ibyo abizire ,narumiwe!!!!!

demokarasi says:
07/17/2017 at 08:50

kuvuga ko ikizava mu matora kizwi ni strategie ya campagne. n’undi wese wiyamamaza yavuga ibye. ntimwumve ko amatora yarangiye kuko abantu bagomba gutora nk’uko itegeko ribiteganya.

jeam paul says:
07/18/2017 at 15:40

Uvuzukuri.kuvugako amatora yarangiye nukwihicyizere,nundi yavugibye.land I sikibazo nibayarabivuze we yizeye abaturagebe,bona nubwo abapinga batazabura.murakoze democracies.

Comments are closed.

Share this:

35 Comments