Rwasamanzi yongeye gutorerwa kuyobora ishyirahamwe ry’abatoza mu Rwanda
Abatoza b’umupira w’amaguru mu Rwanda bakomeje kwiyubaka no gushaka impamyabushobozi zibemerera gukorera mu bihugu bitandukanye. Ishyirahamwe ryabo ryabonye ubuyobozi bushya bwahize kwihesha agaciro no kongerera ubushobozi abanyamuryango.
Abatoza b’abanyarwanda 133 bafite impamyabumenyi z’impuzamashyirahamwe y’umupira w’amaguru muri Afurika ‘CAF’ nibo banyamuryango b’ishyirahamwe ryabo ryari rimaze umwaka ridafite abayobozi batowe kuko abariho bari barangije manda mu Ugushyingo 2016.
Iri shyirahamwe ryari rimaze amezi arindwi ridafite ubuyobozi bitewe n’uko habuze umwanya wo guterana mu nama y’intekorusange kuko abanyamuryango bari bahanganye no kugeza amakipe bakorera ku musaruro.
Yves Rwasamanzi usanzwe ari umutoza wungirije wa APR FC wari umuyobozi w’abatoza mu Rwanda muri komite yacyuye igihe yongeye gutorerwa kuyobora iri shyirahamwe.
Uyu mutoza yabwiye Umuseke ko yishimiye kuguma ku buyobozi kuko bizafasha komite nshya gukomeza imwe mu mishinga yatangiye.
Rwasamanzi yagize ati: “Nishimiye kongera kugirirwa ikizere. Nishimiye n’abo tugiye gukorana kuko ari abanyamuryango bamenyereye ubuzima bw’akazi kacu. Abatoza ni igice kiba ku isonga y’iterambere ry’umupira w’amaguru niyo mpamvu tugomba kwishyira hamwe tugakora cyane. Kuba hari umubare munini w’abakomeje kubona impamyabumenyi ni umusaruro w’imwe mu mishinga yacu. Turifuza gukomeza uwo murongo w’iterambere.”
Komite nshya w’ishyirahamwe ry’abatoza:
- Perezida: Rwasamanzi Yves
- V/P wa mbere: Uwayezu F. Regis
- V/P wa kabiri Nshimiyimana Eric
- Umunyamabanga: Habimana Sosthene
- Umubitsi: Ruremesha Emmanuel
Roben NGABO
UM– USEKE
English
3 Comments
UWAYEZU SE WE KANDI ATOZA HE ?
Regis ubu nta equipe afite ariko ni umutoza. Yahoze ari umutoza wa Kaminuza y’u Rwanda i Butare. yanabaye Assistant coach wa Andreas Spier muri Academy ya APR
Please tell us ; mul’ayo matora, ni kuzihe criterias bibanjeho ?
Yaba ar’Uwanikiye abandi Batoza, Uwaba ufite ubunararibonye budasanzwe, Uwaba yaranditse Amateka yaratwaye Championship zitabarika, Uwemerwa ko yaba yaragejeje Football Nyarwanda k’Umupira ubereye ijisho ? Ko mul’izo criterias, nta n’imwe uwitwa ko yatowe na bagenzi be, zibitse ho ; Wasn’t he designated by those who, thank to them Rwanda Football is jumping from the frying pan into the fire ? Ni n’uko byabaye, cyagihe bemezaga ko Camarade yaba yatorewe kuyobora akanama gashinzwe gutegugura amatora y’umuyobozi wa Ferwafa !!! Ubwo se, abo bantu bananiwe kuzuza ibshingano mu ma Club bakoreraga mo, iyo batayicaga nkana, ubwo koko abantu nk’abo wabitega ho iki ?
Uwo witwa ko yatorewe kuyobora ishyirahamwe ry’abatoza babigize umwuga, utanizeye ko azanabona Team azatoza umwaka utaha, ubwo Apr Fc izaba imaze kumusezerera ; ni gute Abatoza nka ba Yaoundé, Nshimirimana, Mbungo; Mashami, Masudi, bashobora kwiyumva m’umuntu nkuwo ?
Ntagitegeka Umutoza awo ari we wese kuguma m’Ishyirahamwe atiyumva mo, cyane iyo yumva ko atari validly represented. Ntanikibuza abandi gushing irindi Shirahamwe, Abatoza bakwisanga mo, biyumvamo, aho kuyoborwa n’abatabishoboye !!!
Mu gihe H.E atwifuriza to leave mediocrity ; abashigikiye such insignificant people ; Isn’t it thus, mediocrity reigns at the expense of excellence.? Ubwo se, mwaba mufashije iki H.E ???
Comments are closed.