Adrien uba USA arasaba abantu gushyigikira Gospel

Misigaro Adrien umuhanzi w’Umunyarwanda uba muri Amerika uririmba indirimbo zihimbaza Imana {Gospel}, avuga ko umuziki wa Gospel ukwiye guhabwa agaciro nka k’izindi njyana.

Adrien atangaje ibi nyuma yo gushyira ahagaragara ingengabihe ye inerekana ko agiye kuza mu Rwanda mu gitaramo cyateguwe na Beuty for Ashes.

Mu myaka isaga irindwi uyu muhanzi yari amaze atagera mu Rwanda, yabwiye Umuseke ko uretse kuza kwitabira icyo gitaramo anakumbuye inshuti n’abavandimwe be.

Ati “ Nishimiye kongera kubana n’abanyarwanda. Umutima wanjye wuzuye ishimwe rikomeye kubwo kongera gufatanya n’abanyarwanda kuramya Imana mu gitaramo cya Beauty for Ashes.”

Adrien utuye mu mujyi wa Texas muri USA, asanzwe ari n’umuyobozi w’intsinda ry’abaramyi ( Worship Leader) mu itorero ryitwa Gospel Restoration ribarizwa Abilene.

Amaze gukora  indirimbo zirenga 30 hari izamenyekanye n’izindi bakoresha mu kuramya no guhimbaza mu matorero basengeramo.

Izamenyekanye cyane hari  TWARAHUYE, NTACYO NZABA ft Meddy”  “NKWITE NDE ft The Ben, na MFITE IMPANVU.

Nyuma yo gukora izo ndirimbo zagiye zikundwa, Adrien arimo  gukora kuri Album nshya. Ikindi nuko ateganya gukorana n’abandi bahanzi zitandukanye.

Yasezeranyije abanyarwanda ko mu gitaramo cyo ku itariki ya 09 Nyakanga 2017 azahuriramo na Beauty for Ashes hari impinduka bazagira ku buzima bwabo.

Daddy SADIKI RUBANGURA

UM– USEKE.RW