Ubuhanga inzuki zikoresha iyo zigiye guhagarara ku rurabo

Inzuki ni inyamaswa zo mu bwoko bw’inigwahabiri. Ku isi hari amoko y’inzuki 20 000 atuye cyane cyane ku migabane y’Africa na Aziya. Abahanga bemeza ko ubugenge inzuki zikoresha zihagarara ku ndabo iyo zihova biri mu bikorwa bitangaje ku nzuki.

Uretse ubuhanga n’ingufu inzuki zikoresha zihova hirya no hino ibintu zikoramo ubuki, abahanga batangajwe n’uburyo zikoresha kugira ngo zibashe guhagara ku ndabo runaka ziba zifuza gushakamo ibyo zikoramo ubuki.

Burya ngo inzuki zishobora kugwa hejuru y’ururabo aho zaba ziturutse hose, ibi bitandukanye n’indege zisanzwe kuko zo ziba zifite ahantu zigomba gukatira n’aho zigomba kugwa, bita ‘pistes’.

Ubusanzwe kugira ngo uruyuki rubashe kugwa ku rurabo runaka birusaba kugabanya umuvuduko uko rugenda rwegera rwa rurabo.

Ikinyamakuru kitwa Proceedings of The National Academy of Sciences kivuga ko uruyuki rujya kugera ku rurabo umuvuduko wamaze kugananyuka kugera hafi kuri zeru.

Kugira ngo rubashe kugera kuri ibi, uruyuki ruba rugomba kwita ku bintu bibiri:

Guhuza umuvuduko warwo n’intera iritandukanya n’aho rushaka kugwa.

Ibi ariko ubusanzwe bigora izindi nigwahabiri kubera ko zigira amaso ari imbere cyane naho inzuki zo zikagira amaso atuma ikintu zishaka kugwaho kigenda kiba kinini zikakibona uko zigenda zikegera.

Amaso y’inzuki atuma zibasha gukora akazi kazo neza kandi bitazigoye. Abahanga mu gukora za robots bemeza ko kwiga uko amaso y’inzuki ateye byabafashije gukora za drones zihambaye zikorana na mudasobwa mu bikorwa by’ubutasi.

Jean Pierre NIZEYIMANA
UM– USEKE.RW