U Rwanda na Guinea bongewe mu akipe azakina AfroBasket 2017

Ku gicamunsi cyo kuri uyu wa kabiri, Impuzamashyirahamwe y’umukino wa Basketball muri Afurika “FIBA Africa” ryatangaje ko u Rwanda na Guinea bahawe amahirwe yo kwinjira mu makipe 16 azakina imikino nyafurika ihuza ibihugu mu mukino wa Basketball “AfroBasket 2017”.

Uyu mwanzuro wafashwe na Komite Nyobozi ya “FIFA Africa” kuri uyu wa kabiri. U Rwanda na Guinea basanze Congo Brazzaville izakira “AfroBasket 2017”, Nigeria ifite igikombe cy’irushana riheruka, hamwe na Angola, Cameroon, Cote d’Ivoire, Democratic Republic of Congo, Egypt, Mali, Morocco, Mozambique, Senegal, Tunisia, Uganda na South Africa zabonye itike amatsinda mu mikino ya za Zone.

Tombola ishyira aya makipe uko ari 16 azakina AfroBasket 2017 mu matsinda, iteganyijwe mu mpera z’uku kwezi. Naho, irushanwa nyir’izina ryo rikaba riteganyijwe kuba hagati y’itariki 19 na 30 Kanama 2017, mu mujyi wa Brazzaville.

Nk’uko bisanzwe irushanwa rya ‘AfroBasket’ rihuza amakipe 12 aba yarabonye amatike mu majonjora abera mu ma ‘Zone’, hakiyongeraho ikipe yakiriye, n’ikipe yatwaye igikombe giheruka, hanyuma ‘FIBA Africa’ nayo igatumira andi makipe abiri yitwaye neza mu ma ‘Zone’ ariko ntizibone itike kugira ngo zuzuze amakipe 16.

UM– USEKE.RW