Perezida wa Somalia yemereye imbabazi abarwanyi ba Al Shabab
Perezida Mohamed Abdullahi Farmajo yatangaje intambara nshya kuri Al Shabab n’imbabazi ku bashyira intwaro hasi
Perezida wa Somalia Mohamed Abdullahi “Farmajo” umaze amezi ane ku buyobozi yatangaje intambara yeruye ku mutwe wa Al Shabab.
Yatangaje kandi ko abarwanyi ba Al Shabab bazashyira intwaro hasi mu minsi 60 bazahabwa imbabazi, bagahugurwa, bagahabwa akazi abandi bakajyanwa kwigank’uko bivugwa na Radio Shabelle.
Avuze ibi nyuma y’umunsi umwe gusa ku nyubako ya Leta i Mogadishu haturikiye igisasu cy’umwiyahuzi cyahitanye abantu barindwi.
Perezida yavuze ko ibikorwa by’iterabwoba ubu bikabije ko ubu ingabo ziteguye kandi zigiye guhangana n’ibikorwa bihungabanya umutekano n’iterabwoba.
Perezida Farmajo kandi ngo yasimbuje abasirikare bakuru bari bashinzwe iperereza n’igipolisi kugira ngo atangize bushya intambara kuri Al Shabab.
Ubwo yavugaga iri tangazo Perezida Farmajo yari yambaye imyambaro ya gisirikare.
UM– USEKE.RW
English