Turashaka kunyagira Rayon mu mukino ubanza -Umutoza wa Rivers United
Stanley Eguma arifuza kunyagira Rayon sports mu mukino ubanza
Ijonjora rya gatatu rya CAF Confederation Cup rigiye gukinwa. Rayon sports ihagarariye u Rwanda izatangira isura Rivers United yo muri Nigeria. Umutoza wayo yemeza ko bifuza kunyagira Rayon ibitego byinshi mu mukino ubanza.
Imikino y’amarushanwa ya CAF igeze ahakomeye kuko amakipe yo mu bihugu bitandukanye ari guhatanira kujya muri 1/8 (mu matsinda), kuko abahageze bahabwa ibihumbi 550, 000 by’amadolari muri Champions League n’ibihumbi 275, 000 by’amadolari muri Confederation Cup.
Ikipe yo mu Rwanda ifite amahirwe ni Rayon sports igiye gukina ijonjora rya gatatu rya CAF Confederation Cup. Yatomboye guhura na Rivers United yo muri Nigeria yasezerewe na Al Merreikh Omdurman muri Champions League.
Iyi kipe yo muri Nigeria kuri stade yayo ‘Yakubu Gowon Stadium’ izwiho gutsinda ibitego byinshi kuko mu mikino ibiri ya Champions League iheruka kuhakinira yatsinze ibitego birindwi (7).
Umutoza wayo Stanley Eguma yabwiye Goal.com ko ari kwitegura neza umukino ubanza uzabera muri Nigeria, kandi ngo yifuza kuyinyagira. Yagize ati: “Turi gukora cyane. Uburyo twasezerewe muri Champions League byaratubabaje cyane. Twatsinze 3-0 murugo, tugiye muri Sudan badutsinda 4-0. Ntabwo twitwaye neza. Ntitwifuza gusubiramo iryo kosa.
Icyo nabwiye abakinnyi banjye, ni uko tugombaga kunyagira Rayon sports ibitego byinshi iwacu. Kuko mu mukino wo kwishyura tuzi neza ko buri kimwe kiba gishoboka. Kuko nka hano muri Nigeria twakira neza amakipe yo hanze. Ariko iyo dusohotse bo batwakira nk’inyamanswa. Ibyo bishobora kugira ingaruka mbi ku musaruro wacu mu mikino yo hanze. Ariko ntituzemera ko twongera gutenguha abanya-Nigeria. Turifuza kurangiza ibintu byose mu mukino ubanza.”
Impuzamashyirahamwe y’umupira w’amaguru muri Afurika CAF yimuye amatariki y’imikino ya Rayon sports na Rivers United kuko yari yahuye n’icyumweru cyo kwibuka abazize Jeniside yakorewe Abatutsi mu Rwanda.
Umukino ubanza uzabera muri Nigeria tariki 15-16 Mata 2017, naho uwo kwishyura ubere mu Rwanda tariki 22 cyangwa 23 Mata 2017.
Roben NGABO
UM– USEKE
English
12 Comments
Mubabwire ko gutsinda Rayon Sports bigomba ubuhanga nkanswe kuyinyagira.
Umwami wivuze ibigwi aba agiye gupfa hari igihe aribo banyagirwa
Sha mubabwire ko niri tari iri ryarakeye. Basezerewe se ubundi bari hehe? Imana yacu irakomeye, kandi ntawe umenya Imana y’umuntu.
Rayon Sport ntago ari ikipe ushobora gutsinda uko ubyishskiye.Rayon Sport ntago ibereyeho gutanga amanota atatu ahubwo irayatwara
iyi kipe yo muli Nigeriya tuyili inyuma PE .
mutsinde byinshyi tubali inyuma
ahubwo mutubwire imyenda bambara ahasigaye tuzahulire ku Mahoro.
barabyina mbere yumuziki
wowe ushyigikiye ikipe yo muri nigeria uri inyangarwanda.simfana Rayon ariko mfana u Rwanda.igihe cyose wakinnye nikipe yikindi gihugu fana icyawe numusaruro wabanyarwanda.Harabafana njya ngaya ukabona RAYON SPORT cyangwa APR byakinnye nizo hanze bagafana izo hanze.Abo bantu mumutwe zeroooooooooooooo.
Jojo ibyo avuga ni ukuri! Twe turi muri ayo mahanga nk’impunzi ariko iyo ikipe yo mu Rwanda yaje gukina ino aha niyo dufana!
Abo biteguye gufana Nigeria ni ba Bangamwabo!
aba Rayon nimushaka muvuga angana nuko mungana, nihahandi hanyu bazahomagura, urugero rwanyu muri ruhago rurazwi, mwatsinze kiriya gikenyeri i Juba , ikindi kiciro mutambuka mudakinnye none mutangiye kwihagararaho mumambo, iri n’ikipe si Wawu salama yigikenyeri mwahuye ubushize.
Imana Ihabereye abanyarwanda
Ubwo rero bivuzengo na APR nigikenyeri mutoni we kuko uvuzeko dustinda ibikenyeri aho wimennye inda rwose.rayon sport iriho kandi sikubwimpuhwe zanyu ndeste ejo niteka izahoraho
Comments are closed.