Confederation Cup: Rayon itomboye Rivers United yo muri Nigeria

Mu ijonjora rya gatatu rya CAF Confederation Cup Rayon sports itomboye Rivers United yaje muri iri rushanwa isezerewe muri CAF Champions League.

Ku kicaro cy’impuzamashyirahamwe y’umupira w’amaguru muri Afurika CAF, i Cairo mu Misiri hari kubera tombola y’uko amakipe azahura mu marushanwa yayo ahuza ama-club, CAF Champions League na Confederation Cup.

Rayon sports ihagarariye u Rwanda yasezereye Al Wau Salaam yo muri South Sudan na AS Onze Createurs yo muri Mali mu majonjora yabanje. Mu kiciro gikurikiraho itomboye kuzahura na Rivers United yo muri Nigeria.

Iyi kipe imaze umwaka umwe gusa ibayeho kuko yashinzwe muri Gashyantare 2016. Igiye guhangana na Rayon sports muri CAF Confederation Cup nyuma yo gusezererwa na Al Merreikh Omdurman yo muri Sudan muri CAF Champions League.

Nkuko byagenze mu majonjora abiri yabanje muri iri rushanwa Rayon sports izongera gukina umukino wo kwishyura  i Kigali naho ubanza ubere muri Nigeria.  Rivers United ikinira kuriyakira abantu ibihumbi 30 iri mu gace ka Port Harcourt yo muri Leta ya Rivers. Umukino ubanza ushobora kuba tariki 6 Mata uwo kwishyura ukaba tariki 15 Mata 2017

Iyi kipe iba mu majyepfo ya Nigeria ntabwo ihagaze neza muri shampiyona y’amakipe 20 kuko iri ku mwanya wa 17 n’amanota 14 mu mikino icumi. Irarushwa na Plateau United iyoboye urutonde amanota 11.

Uko tombola yose yagenze:

Roben NGABO

UM– USEKE