AMAFOTO: Mu byishimo byinshi amagana y’ abafana bakiriye Rayon ivuye S.Sudan

Roben Ngabo
02/12/2017

Rayon sports yageze mu Rwanda ivuye muri South Sudan aho yatsindiye AL Wau Salaam FC mu mukino ubanza wa CAF Confederation Cup. Yakiriwe n’abafana benshi bagaragaje ibyishimo mu karasisi kazengurutse ibice bitandukanye bya Kigali.

Bakoze imirongo ngo bakomere amashyi ikipe yabo niza

Kuri uyu wa gatandatu tariki 11 Gashyantare 2017 nibwo Rayon sports yakinnye umukino w’amajonjora y’ibanze w’irushanwa rya CAF rihuza amakipe yatwaye ibikombe by’ibihugu iwayo.

Uyu mukino Rayon sports yanyagiye Al Wau Salaam FC yo muri Sudani y’Epfo 4-0. Ibitego byatsinzwe na Savio Nshuti Dominique, Kwizera Pierrot, Nova Bayama na Moussa Camara.

Iyi kipe yitwaye neza mu mahanga yageze mu Rwanda kuri iki cyumweru saa 19h, yakirwa n’umubare munini w’abakunzi bayo ku kibuga cy’indege cya Kigali.

Imodoka itwaye abakinnyi ba Rayon sports bava i Kanombe bakurikiwe n’amagana y’abakunzi b’iyi kipe bari mu modoka no kuri moto byateje ‘embouteillage’ mu muhanda Kanombe-Remera-Kacyiru.

Umukino wo kwishyura wa Rayon sports na Al Wau Salaam FC uteganyijwe ku cyumweru tariki 19 Gashyantare 2017.

Nkundamatch na Rwarutabura bishimiye umusaruro ikipe yabo yatanze

Kuri telephone hari ababwiraga abo basize bati turacyategereje

Umuyobozi w'abafana Claude Muhawenimana n'uw'inama y'ubutegetsi ya Rayon sports Ngarambe Charles bategereje — Umuyobozi w’abafana Claude Muhawenimana n’uw’inama y’ubutegetsi ya Rayon sports Ngarambe Charles bategereje

Abakunzi ba Rayon sports n'indabo bategereje ikipe yabo — Abakunzi ba Rayon sports n’indabo bategereje ikipe yabo

Kimenyi Vedaste uyobora umuryango wa Rayon sports yabimburiye abandi gusohoka

Kapiteni wabo Ndayishimiye Eric Bakame yakirijwe ururabo

Byari ibirori ku kibuga cy'indege — Byari ibirori ku kibuga cy’indege

Abouba Sibomana abwira Mutsinzi Ange ati wabonye umurindi wabo! — Abouba Sibomana abwira Mutsinzi Ange ati: wabonye umurindi wabo?

Abafana ba Rayon sports basingiza umutoza Masudi bita Comando

N'abayobozi baririmbiye bati, Rayon ni wowe dukunda, nta yindi kipe yanza ku mutima — N’abayobozi baririmbiye bati, Rayon ni wowe dukunda, nta yindi kipe yanza ku mutima

Nkundamatch yemeza ko Masudi ari intwari yabo

Byari ibirori kuri bose — Abatwara abantu kuri moto bari bahagaritse akazi gato bajya kwakira ikipe bakunda

Mu muhanda Kanombe, Remera imodoka y'ikipe yari igaragiwe — Mu muhanda Kanombe, Remera imodoka y’ikipe yari igaragiwe

Roben NGABO

UM– USEKE

11 Comments

Kagabo says:
02/13/2017 at 01:05

Mwarakoze basore bacu.Umuseke muzadushakire inkuru ku mateka ya rayon Sport.Kugirango abatayazi bayamenye.

Ndikou says:
02/13/2017 at 01:48

Uwakoze wese inshingano yahawe neza aba akwiye gushimirwa.

ABA says:
02/13/2017 at 05:37

komeza wamamare RAYOL SPORT , ariko muzadushakire irirya ndirimbo ya rayon abafana baririmba

nkunda says:
02/13/2017 at 07:38

Rayon yashije ikibonobono APR Imena urutare none murasakuriza umujyi ngo mwatsinze..reba abo bakobwa barayon weeee! yewe mukennye muri byose!
- Nzarebandora says:
  02/13/2017 at 07:53
  
  Wowe wiyita NKUNDA, Uwo ni umujinya wubusa, ntabwo ikipe igiye hanze iba yiserukiye cyangwa ngo iserukire abafana bayo gusa ahubwo iba iserukiye igihugu. niyo mpamvu abanyarwanda bose BANKUNDA IGIHUGU BABA BAKWIYE KUJYA INYUMA YA BURI KIPE IGIYE GUKINIRA HANZE. NUBWO APR YANGANIJE NAYO YARI YASERUKIYE IGIHUGU CYACU TWESE KANDI TURAYISHIMA NTAWE UYIGAYA, ARIKO TUVUGISHE UKURI RAYON NAYO YARAKOZE KANDI ITAHUKANA ITSINZI KANDI IYO NSINZI NI IY’ABANYARWANDA TWESE!!!!!!
- Muhire says:
  02/13/2017 at 09:33
  
  Hhhhh!Ubuze icyo asebya inka ati dore igicebe cyayo!Indabo APR yahawe ni ibyatsi naho Rayon yahawe indabo za class!Abakobwa useka hari Usa ziriya nzavumba zakiriye Gikona?Uri igicucu cyane,nRayon izahora ibakorogoshora mu mitima!N’ibyo mukora byose muba mutqigana!

ngenzi says:
02/13/2017 at 07:51

Nkunda vana itiku aho. Ikibonobono c kijya mumarushanwa ya afurika? Ngaho iyo Apr izahivane ndebe. Muhimbira hano imbere yabasifuzi banyu

bwiza says:
02/13/2017 at 10:11

RWARUTABURA arandangije kbs, rayon ndayikunda cyaneee!!

Kirezi says:
02/13/2017 at 11:25

Gikundiro oyeeeeee

makenga says:
02/15/2017 at 11:16

Ni Urukundo nyine kuko Rayon sport ari urukundo erega n’abandi bakinnyi ba APR Bose ndetse n’abasirikare bikundira Rayon sport nuko ari uguhaha gusa naho ubundi bose bakwibera aba rayons!

makenga says:
02/15/2017 at 11:20

Iyi kipe no mu ijuru barayizi; yambara neza emwe Na bikiramariya arayizi Kandi nayo iramuzi uwbo rero N’Imana Na Yezu barayizi kandi nayo iramusi. Muhamudu we sinakubwira !!! mumisigiti no mu nsengero barayizi kani nayo irabazi

Comments are closed.

Share this:

11 Comments