Mashami watoje APR FC ayitesheje amanota, Rayon isoza imikino ibanza iyoboye
Inama Mashami Vincent yagiriye abakinnyi be igice cya mbere kirangiye, zatumye babona ibitego bibiri
Nyamata-Abakinnyi bane bavuye muri APR FC bajya muri Bugesera batozwa na Mashami Vincent nawe wavuye muri APR FC batesheje amanota ikipe bahozemo, bituma Rayon sports isoza imikino ibanza ya shampiyona ari iya mbere.
Kuri uyu wa gatandatu tariki 28 Mutarama 2017 hakomeje umunsi wa 15 (umunsi wa nyuma) wa shampiyona y’u Rwanda ‘AZAM Rwanda Premier League’. APR FC yasuye Bugesera FC,a amkipe yombi anganya 1-1.
Uyu mukino watangiranye umuvuduko ku mpande zombi. Rutahizamu Bugesera yakuye muri Mali Abdallah Guindo yatangiye agora ubwugarizi bwa APR FC bwari buyobowe na Faustin Usengimana na Aimable Nsabimana.
Ibi byafashije Bugesera isatira cyane APR FC mu gice cya mbere, ifashijwe n’abakinnyi batatu bakinaga n’ikipe bavuyemo nka; Farouk Ssentongo bita Ruhinda, Bertrand Iradukunda na Mugenzi Bienvenue.
Bugesera byayihiriye ifungura amazamu kare ku ishoti rikomeye ryateewe na Abdallah Guindo rihura na Ruhinda ahindukiza Emery Mvuyekure urindira APR FC ku munota wa 25.
APR FC yagerageje gushaka igitego cyo kwishyura ngo igice cya mbere kirangire amakipe yombi anganya ariko Issa Bigirimana na Mucyo Freddy bita Januzaj wabanje mu kibuga bwa mbere muri APR FC bahusha uburyo bwabazwe, igice cya mbere kirangira ikipe ya Mashami Vincent iyoboye n’igitego 1-0.
Mu gice cya kabiri Jimmy Mulisa na Yves Rwasamanzi batoza APR FC bongeyemo Bizimana Djihad afasha ikipe ye gutindana umupira byavuyemo ‘corner’ ku munota wa 52 yatewe neza ku mutwe wa Issa Bigirimana yishyurira ikipe y’ingabo z’igihugu.
Kuva ku munota wa 65 abakinnyi ba Bugesera bagiye basaba ubufasha abaganga bavuga ko bavunitse, bikekwa ko byari ugutinza iminota, byatumye umusifuzi mpuzamahanga Uwikunda Samuel wayoboye umukino aha ikarita y’umuhondo umunyazamu wa Bugesera Olivier Kwizera wavuye muri APR FC.
Michel Rusheshangoga yagiyemo asimbuye bituma Ngabo Albert akina asatira ariko ntibyagira icyo bihindura umukino urangira amakipe yombi anganya 1-1.
Uyu mukino washimangiye ko Rayon sports irangije igice cya mbere cya shampiyona (imikino ibanza) iyoboye urutonde rwa shampiyona n’amanota 36 irusha APR FC amanota abiri.
Abakinnyi 11 babanje mu kibuga:
Bugesera FC: Olivier Kwizera, Mugabo Ismail, Uwacu Jean Bosco, Rucogoza Aimable Mambo, Muhire Anicet Gasongo, Nzabanita David Saibad, Ntwali Jacques, Guindo Andalla, Bertrand Iradukunda, na Mugenzi Bienvenue.
APR FC: Emery Mvuyekure, Ngabonziza Albert, Faustin Usengimana, Aimable Nsabimana, Emmanuel Imanishimwe, Benedata Janvier, Imran Nshimiyimana, Yannick Mukunzi, Patrick Sibomana, Mucyo Freddy Januzaj, na Issa Birimana
Roben NGABO
UM– USEKE
English
15 Comments
Woow Bugesera yacu, komeza ujye uzitsinda
ko bayimenyereje gutsindisha intoki se.Ariko muri champions ligue bizabagora kuko ntibyemewe.coup franc ivuyemo igitego cya Burkina faso iturutse ku ryari ritewe n’uko umukinnyi wa Tunisia umupira wamukoze ku rutugu. mumenye ko power ya Ferwafa igarukira mu Rwanda gusa.
ntakibazo nibura bifite uruhengekero kuko apr isa niyatsinzwe nikipe ya kabiri ya apr kubera umutoza nabo bakinnyi bane bose bayihozemo,ikibi nugutsindwa nabavuzanduru babakeba,kdi buriya retour niyo mbi umwanya wambere uzagaruka kwa nyirawe,biriya babyita byigere ubimpe birazwi ko uriya mwanya wambere ari uwa apr,kurangiza phase aller gasenyi ari iyambere irusha king apr amanota abiri gusa byitwa kuyitiza umunyenga wakanya gato,baracecekeshejwe bategera kubandi nkimpyisi itajya yiyicira inyamaswa igategera kunyama zishwe nizindi nyamaswa zinkazi nk intare,ingwe,urusamagwe… kd apr murabizi ko ifite ikimenyetso cy intare ahubwo na rayon izafate icy impyisi nicyo kiyikwiriye,ngo zikunda ibyapfuye ntizizi kwiyicira niyompamvu intare apr iyo ihuye rayon isya itanzitse ikayikubita amagambo agashira ivuga bagasigara kubuvuzanduru gusa.Bravo Mashami nabo bakinnyi wavanye iwanyu kwa apr wagiye gukora apr yakabiri,wakoze amahano gusa kuko ntamwana wubahuka ae ngo amukubite enplus muruhame!!!mashami yahaye icyuho gasenyi atuma abavuzanduru bagarura akuka kdi bari banogejwe none sukuyicuranga barayica umurya,mashami akwiye ihaniro yakojeje se urutoki mujisho,arubahuka kbs,ubundi ngo so agukubita yicaye,mashami nasubire ku muco nahubundi yivuruguse mu ico
biragaragara ko wandika utabanje gutekerezaa. kuvuga ngo ni umwanya mugihe abarayon wigeze utekereza igihe uriya mwanya iwumazeho? ahubwo iyo uvuga ko APR yatijwe akanyega ko gufata umwanya as mbere nduzi ko ari umunsi umwe gusa….
Izindi ikipe yanyu itaindira kumbwira gusa. agatego kamwe kamwe….
Ufite amagambo ashaririye. Uradusebya nkabafana ba APR. Ngo “yivuruguse mw’ico”!!!! That’s the sign of your poor quality education. Bravo Bugesera and Mashami, Bravo APR wakoze ntako utagize. Rayon Sport nawe…, do not waste this opportunity to keep being on top of table.
abaswa nkawe mbaheruka mbere y’indege
Ivunimpuruza uracyari umwana Kabisa, APR FC yirirwa itoba umupira wo mu Rwanda niyo wita umwami. ko yishe Rayon imyaka n’imyaka yayirushije iki? Abafana mufite bangahe nabwo batazi no gufana? hari igikombe mwari mwakura hanze? Rayon na ATRACO zarabikoze. Ko 2013 twarangije phase aller turi aba 4, ntitwatwaye igikombe, kdi niba n’iki mugishaka bazakibaha.Kuko ibya FERWAFA tubiziranyeho. Yaba umutwe,yaba ukuboko, yaba kugera imbere y’izamu mukigwisaha penalite zikaboneka ibyo ni ibintu umuntu wese ukurikirana umupira wo mu Rwanda yaguhamiriza. Tuza rero rero ibyo kwiyita intare nturiyo kuko nk’umufana nta jambo ugira ku ikipe yawe kuko amafaranga aturuka kuri bugdet ya Leta ihabwa MINADEF. Twe tukirwariza, kiwihigira.Nta byishimo mugira nt’ubwo mwasakuma udkombe twose tw mu Rwanda, kdi uzi ko APR ari yo ifite abakinnyi ba mbere b’abenegihugu(abanyarwanda), Rayon ifite bangahe? Cg nibyo kuba intare uvuga… Ooooh Rayon.
Uziko wagira ngo uri murumuna w’abasazi mwa? Ubu nk’ibyo bigambo uhuraguye urumva bisobanura iki koko?
hahahahahaha intare?wayikurahe nta ntare mbonye aho pe reka dutegereze iyo retour uvuga nzongera nkwandikire kuko uko mbibpna nzabivuga ku mukino wa gatatu muri retour
Uretse Mvuyekure, visibly utari mu mukino ; iriya match yari derby y’abatoza !
Mashami washakaga kwereka APR FC ko yakoze amakosa yo ku murekura ; Jimmy Mulisa
we yirindaga gusebera i Bugesera imbere ya Mashami.
Buri wese yarafite uriya mukino mu maboko ye, ariko bose babaye abaswa, habura
n’uwa kora difference n’umwe bakina bose bareba ahazaza habo gusa ; umwe yibwira
ati, mutsinze nshobora kusubira muri Apr Fc, undi ati ndayivamo njya muli Bugesera !
Birangira ntawe ukoze Difference !!!
Ikigaragara, n’uko Apr FC nta batoza iyikwiriye bafite ; ntawe ukwiriye kuza kuyigiraho
ubutoza ! Niba Apr Fc itifuza kugarura abanyamahanga, so please, izababarire Yaoundé
maze aze ayicungure ! Ubundi bizagera aho bazayiha Camarade, ngo nawe agerageze kuyitoza !!!
hatabayeho ibyamaboko muzabona atatu mwiyushye akuya reka turebe kuya mbere buriya wabona ari penality irinyuma yurubuga rwamahina
@ngabo nawe uvuze ibyo utazi ngo bakoresha bugdet ya leta ibaha cg ntanubwo uziyuko MINADEF ifite ibikorwa biyibyarira inyungu??? URUGERO: bank yitwa zigama uzabaze inyungu ibona kumwaka, amafaranga ava muri army week, UN peace keepers financally, companies zikora imishinga yubaka amazu, imihanda, amafaranga aba members bikipe batanga(APR boards, fans, umusanzu uva mubasirikare nabafana basanzwe nkatwe turayatanga) nabayobozi bimena barayatanga ntimuzongere gusakuza ngo yava muri bugdet. Harya CECAFA mwazanye yarifite angahe mwatsinze ayahe makipe???? APR ifite Cecafa kagame cup 3 kandi yageze muri demi final ya confederation cup namwe muzagire ibyo bigwi ndabibifurije ariko mujye mureka gusebanya. Mwibaze gasenyi iramutse ikinishije abanyarwanda gusa yaba iyakangahe ahubwo mushimire abayobozi ba APR bahisemo guhindura politique yo gukinisha abanyarwanda gusa. Urundi rugero nuko APR igikinisha abanyamahanga rayon yamaze imyaka irenga 10 ans itazi igikombe yacungiraga ko APR yatwara championat nicya amahoro ikarwanira umwanya wa kabiri. APR courage sana tuko nyuma yako.
Ariko se murapfa iki koko? Uvuze ukuri kuki akuzira? APR FC se si ikipe ya leta mwa bantu mwe? Ahubwo ikibazo ni uko urebye amafaranga ikoresha yagombye kuba iduha ibyishimo birenze ibyo tubona. Nta kintu ibuze na kimwe yagombye kuba byibuze igera matsinda y’amarushanwa nyafurika. naho ubundi ibyo iba irimo ni ukwikirigita igaseka.naho ibyo by’imisanzu mutanga ndatekereza ko nawe ushobora kuba utabizi neza. Ikoresha bugdet ya leta 100%.
Nyumvira ETO nawe, none se niba amafaranga ava mu mishinga ya RDF, RDF ni company ya nde? si leta?cg utekereza ko RDF ari private Sector, oya, ni Ministeri ya leta, ibyo yakora byose bibyara inyuma biba ari ibya abanyarwanda bose.Imodoka ya APR ifite iyihe plaque? buriya essence ijyamo banywesha Nyabugogo?
Noneho na AS Kigali izavuga ko umujyi wa Kigali ufite ibirenze ibyo bibyara inyungu. Mbega kwitiranya. Harya Ikarita y’umunyamuryango wa APR igira angahe? Harya Kagame Cup mwakuye he? ku Mahoro cg Dar es Salam? Star a Domicile cg Muteteri. None se umukinnyi mwiza wo mu Rwanda utari muri APR ni nde? APR na FERWAFA uzabanze umenye icyo bipfana.
Abanyamahanga se Rayon ifite bakina mu makipe y’igihugu iwabo ni bangahe? harya ubu bagiye gukina CAN. Namwe nzi ko muba muvuga ibyo muzi ko APR ibangamira Ruhago yo mu Rwanda. Ngo yageze 1/4, kuri wowe bivuze kuzana igikombe rero? Rayon nta na rimwe yigeze itsindwaho na APR gatatu byikurikiranije, kdi iyo twabaga aba 2, mu marushanwa ya Afrika APR yabanzaga kuvamo mbere ya Rayon.
Cyakora kuwa gatatu ho nibongera kwemera ibitego by’intoki bizakunda. Kdi iyo Rayon ifite ibibazo, umupira wose wo mu Rwanda uhura n’ingaruka zikomeye. wabaza abanyamakuru b’imikino harimo n’uwanditse iyi nkuru akagukorera ubusesenguzi.
Nyamukandagira mu bibuga byo mu Rwanda bikasa imitutu, hanze ho, umupira ukanga kugenda.
Jyewe ndatangazwa no kubona umukino wa Championnat ubera ku kibuga kimeze kuriya twarangiza tukirarira.
Comments are closed.