Umukino wa Bugesera FC na APR FC uzaba ari ishiraniro

Nyuma  yo gutsinda  mukeba wayo  Rayon  Sport  ku mukino  wa 14 wa  AZAM   RWANDA  PREMIER  LEAGUE igitego kimwe  ku busa  kuri stade  Amahoro, APR  FC   kuri  uyu wa  gatandatu izakina na Bugesera  umukino  w’umunsi   wanyuma w’igice  cya mbere cya  shampiyona  AZAM  RWANDA  PREMIER  LEAGUE, umukino  uzabera kuri  NYAMATA  STADIUM.

Uyu,  ni umwe  mu mikino  ikomeye  benshi  mu bakunzi ba ruhago  bazaba  bahanze  amaso ,dore ko  ubu  BUGESERA FC  ari imwe  mu makipe ahagaze  neza ikaba  iri  ku mwanya  wa  gatanu n’amanota  25  ku rutonde rw’agateganyo  ruyobowe  na APR  FC  n’amanota  33.

Kimwe  mu bikomeza  uyu mukino,  ni uko  BUGESERA  FC  ishaka  kwegera  mu myanya iri mbere dore ko  AS  KIGALI  iyiri  imbere ku mwanya  wa kane  iyirusha inota rimwe gusa mu gihe polisi iri ku mwanya  wa gatatu  iyirusha  amanota  atatu gusa.

Umutoza  MASHAMI  VINCENT  utoza Bugesera  nyuma  yo gutandukana na  APR  FC  agiye guhura  n’ikipe yahoze  atoza  akanayigiriramo  ibihe byiza. Uyu mutoza     yahesheje APR FC    ibikombe  bibiri  muri  saison  ya  2013-2014  aho yatwaye  igikombe cya shampiyona  nk’umutoza mukuru  n’igikombe  cy’amahoro ,APR  FC yatsinze  POLICE FC ku mukino  wanyuma  igitego  kimwe  ku busa,akaba yari n’umutoza wungirije  ubwo  APR FC  yageraga ku  mukino  wanyuma  wa CECAFA  KAGAME  CUP igatsindwa  na  EL MERIKH  igitego kimwe  ku busa muri  uwo  mwaka .

MASHAMI VINCENT uzaba ahanganye na mugenzi we  JIMMY  MULISA  nawe  wagize ibihe byiza  nk’umukinnyi  wa  APR  FC ubu akaba ashaka  gukomerezaho  ayihesha  ibikombe nk’umutoza.

Uyu mukino  kandi  kimwe mu biteye  amatsiko,  ni ukureba  ukuntu  abakinnyi   nka  Bertrand ,Uwacu Jean  Bosco  ,Mugenzi  Bienvenue ndetse  n’umunyezamu  Kwizera  Olivier  bazitwara  ubwo  bazaba  bakina na bagenzi  babo  bakiri muri  APR  FC.

Bugesera  n’ikipe  yiyubatse  cyane doreko  yarenze imbibi  ikajya muri  Mali  aho yaguze  Guindo  Abdallah,rutahizamu  uzaba  uhanzwe  amaso  kuri uyu mukino.

Rucogoza  Aimable  uzwi ku izina  rya  Mambo  ndetse  na  Makengo  Frank,  bazaba bafite akazi katoroshye  ko guhagarika  Issa  Bigirimana,Sibomana  Patrick( Pappy) ndetse na Djihad  Bizimana.

Mu gihe  APR FC  yaba itsinze  BUGESERA FC ,izaba   ibaye ikipe ya mbere itsindiye  Bugesera  ku kibuga  cyayo ,Nyamata  stadium.Dore  imikino  izaca  kuri  AZAM  TV:

Uyu Mukino kimwe n’Umukino uzahuza RAYONS SPORTS na KIYOVU SPORTS CLUB kuri uyu wagatanu kuya 28 Mutarama 2017, izerekanwa imbonankubone (Live) kuri Azam TV.

Ku bakunzi b’imyadagaduro kandi  ntimucikwe kuko kuri Decodeur ya AzamTV urayisangaho amashene y’abana, imikino amakuru yo hiryo no hino, amafilm, iyobokamana, imyidagaduro ndetse n’izindi nyinshi.

Twabibutsa kandi kugura ifatabuguzi rya Azam TV ukoresheje MTN Mobile Money cyangwa se ukagurira ku tumashini twa Max pay tukwegereye aho waba uri hose mu gihugu.