‘Tiffah Dangote’ arakurikiranwa n’abasaga miliyoni kuri Instagram

Latiffah Dangote imfura ya Diamond Platnumz na Zari Hassan ubu arabarizwa mu bantu bakurikiranwa n’abasaga miliyoni n’ibihumbi ijana kuri Instagram kimwe n’ibindi byamamare ku isi.

Ku mwaka n’amezi atanu, dore ko yavutse tariki ya 06 Kanama 2015 yujuje umubare udafitwe n’ibyamamare byinshi bisanzwe bizwi haba mu muziki no mu yindi mikino itandukanye.

Tiffah Dangote ufite akazina k’akabyiniriro ka Princess Tiffah, ku isabukuru ye y’umwaka umwe yajyanywe muri Afurika y’Epfo kuyihizihiriza. Icyo gihe hakaba haratumiwe n’abandi bana bo mu kigero cye.

Diamond Platnumz se wa Tiffah, afite abagera kuri 3.200.000 bakurikirana ibikorwa bitandukanye ku rubuga rwa Instagram. Naho Zari Hassan akagira 2.500.000 bakumukurikirana.

Uyu mwana akivuka byarasakujwe cyane ko ashobora kuba atari uwa Diamond ahubwo ari uw’umugabo watandukanye na Zari mbere yo guhura na Diamond.

Biza no kuvugwa ko bashobora kuba baragiye gufata ibizamini byo kwa muganga bihamiriza Diamond ko umwana ari uwe ‘DNA’.

Nti byatinze rero, mu mpera za 2016 Diamond na Zari baje kongera kwibaruka umwana wa kabiri. Kugeza ubu isura y’uwo mwana ntirajya hanze. Uretse kuba abantu bazi ko ari umuhungu gusa.

Joel Rutaganda

UM– USEKE.RW