Bitunguranye Manzi Thierry yakize imvune, yakoze imyitozo, yiteguye APR FC

Roben Ngabo
01/19/2017

Kuwa kane- Rayon sports yakoze imyitozo kuri Rugende Training Center. Abafana benshi barebye iyi myitozo batunguwe no kubona Manzi Thierry wari umaze igihe mu mvune yakize, kandi yiteguye umukino wa APR FC.

Biteguye guhangana n'ikipe irusha izindi ibigwi n'amateka — Biteguye guhangana n’ikipe irusha izindi ibigwi n’amateka

Rayon sports yari imaze igihe kinini yugarijwe n’ibibazo by’imvune muri ba myugariro, ariko byakemukiye rimwe. Benshi bifuzaga ko myugariro mushya Abouba Sibomana ahabwa ibyangombwa akazakina uyu mukino nka myugariro wo mu mutima.

Icyatunguranye ni uko Manzi Thierry wavunikiye mu mukino Rayon sports yatsinzemo Bugesera 1-0, tariki 26 Ugushyingo 2016, yagarutse mu kibuga kandi afite imbaraga nyinshi nkuko Umuseke wabitangarijwe n’umutoza we Masudi Djuma.

Yagize ati: “Ni ibyishimo byinshi kuba twongeye kubona abakinnyi bacu Manzi Thierry waje uyu munsi na Muhire Kevin waje ejo. Manzi twavuganaga buri gihe. Nanamusuraga mu rugo. Yari amaze iminsi ambwira ko ameze neza kandi yatangiye imyitozo ku giti cye. Nshimishijwe n’urwego agarutse ariho kandi yiteguye umukino wa APR FC. Abibaza ko ativuje baba bibeshya kuko ntiwakina gutya utarakize neza. Icyo nababwira ni uko twiteguye neza”

Yakomeje avuga ko FERWAFA niyanga gutanga ibyangombwa kuri Abouba Sibomana yaba idakurikije amategeko ariko ntibyabaca intege, ngo azakoresha abahari.

Rayon sports irakomeza umwiherero iri gukorera i Rugende. Bitegura umukino uzayihuza na APR FC kuwa gatandatu saa 15:30 kuri stade Amahoro.

Umukinnyi mushya wa Rayon sports Abouba Sibomana ukomeje kuvugisha benshi

Nyuma yo kubagwa muri Maroc Muhire Kevin wa mbere ibumoso nawe yiteguye APR FC

Ndayishimiye Eric Bakame yakereye guhangana na APR FC yahoze akinira

Muri iyi myitozo bize gutera imiterekano

Mu mikino itatu Masudi yahuye na APR FC atoza, yatsinze ibiri atsindwa umwe

Moussa Camara niwe mukinnyi rukumbi wizeye umwanya mu mukino w'abakeba — Moussa Camara niwe mukinnyi rukumbi wizeye umwanya mu mukino w’abakeba

Masudi Djuma aba akorana imyitozo n'abasore be — Masudi Djuma aba akorana imyitozo n’abasore be

Manishimwe Djabel na Ishimwe Issa Zappi bahanganiye umupira

Kwinjira ku myitozo abafana bishyujwe 500frw ariko bari benshi

Imyitozo yabereye ku kibuga cy'imyitozo cya Rugende — Imyitozo yabereye ku kibuga cy’imyitozo cya Rugende

Bitunguranye, Manzi Thierry yakoze imyitozo yo kuri uyu wa kane

Baririmba indirimbo z'ikizere — Baririmba indirimbo z’ikizere

Abantu b'ingeri zitandukanye barebye iyi myitozo — Abantu b’ingeri zitandukanye barebye iyi myitozo

Abanyezamu batatu ba Rayon sports mu myitozo

Masudi avuga ko yashimishijwe cyane no kugaruka mu kibuga kuri Manzi Thierry na Muhire Kevin

Roben NGABO

UM– USEKE

9 Comments

miko says:
01/19/2017 at 20:26

none se Manzi Thierry agarutse mu kibuga atarigeze anivuza? AFRICA oh!
- Ukuri says:
  01/20/2017 at 07:44
  
  Ko mutabana ubizi ute ko ativuje. Ubwo uzamurangire ibitaro byawe azaze kwivuza kuko biragaragara ko uwo utavuye aba ativuje.

kalisa says:
01/20/2017 at 07:03

FERWAFA yo uko ikora ntishobora kurekura ibyangombwa bya Abouba ibona ko mugiye guhangana na APR? Gusa ntibizabuza ko nimba mugomba gutsinda umukino muzawutsinda.

umusomyi says:
01/20/2017 at 08:22

Abarayo njye nabonye batsinze umukino kandi bitabagoye na gato.

Gaspard says:
01/20/2017 at 13:27

Ibyo Rayon Sport yakora byose ntabwo izaturusha amafaranga kandi buri gihe bagomba kumenya ko nta rutugu rukura ngo rusumbe ijosi

joo says:
01/20/2017 at 13:31

courage Rayon !!!

nsanzimana says:
01/21/2017 at 09:13

Oyeee Rayon Ikipe duhoza ku mutima,ikipe yac

nsanzimana says:
01/21/2017 at 09:19

Oyeee Rayon ikipe yacu,hafi yacu. Abakwanga ni abahisemo nabi bakaba bicuza. Wowe tsinda amakipe utababariye arimo Igikona, tukuri inyuma.

MATESO JEAN says:
01/23/2017 at 14:22

mmmmm… mmmmm…

Comments are closed.

Share this:

9 Comments