The Ben yasazwe n’amarira ku kibuga cy’indege i Kanombe
The Ben i Kigali arira
Mu marira menshi avanze n’inseko byuzuye ibyishimo, niko The Ben yasohotse mu kibuga cy’indege ameze. Mbere yo kugera aho abanyamakuru bari bamutegerereje byabanje kumunanira arunama yifata mu mavi.
Saa 11h50’ nibwo The Ben yari ageze i Kanombe. Yakiriwe n’abantu benshi barimo abakozi ba East African Promotors, abanyamakuru n’umuvandimwe we Dan Scott.
Mu ijambo rimwe yashoboye kuvuga nubwo abashinzwe umutekano we batari boroheye abanyamakuru bashaka kumuvugisha, yagize ati “Sinzi neze niba ndi mu Rwanda. Gusa niba ariho ndi, abanyarwanda bazaza mu gitaramo cyanjye nzabamara irungu bitinde”.
Kuba atiyumvisha neza ko yageze mu Rwanda, ngo ni uburyo bicye yabonesheje amaso ye atarasohoka mu kibuga byarahindutse byose.
Biteganyijwe ko agirana ikiganiro n’abanyamakuru saa kumi n’igice kuri Portofino i Nyarutarama ku rugendo rwe mu Rwanda n’imyiteguro y’igitaramo.
Akaba aje mu gitaramo kitwa ‘East African Party’ kiba tariki ya 01 Mutarama buri mwaka. Nicyo gitaramo gisumba ibindi biba mu ntangiriro z’umwaka.
Bruce Melodie, Charly & Nina na Yvan Buravani nibo bahanzi baba mu Rwanda bazaririmba muri icyo gitaramo. Kwinjira bikaba ari 10.000 frw mu myanya y’icyubahiro VIP na 5000 frw ahasigaye hose.
Photos:Innocent Ishimwe/UM– USEKE
Joel Rutaganda
UM– USEKE.RW
English
26 Comments
arakaza neza murwakubyaye igitaramo kizaberahe
nibyo koko burya Amahanga arahanda”home is home
kurira?ni danger pe!
wowww!! ni karibu murwi misozi 1000
yooo shenge the Ben,naze twari tumukumbuye,east west home is the best
Mukorogo iraha
Nta mukorogo nuko mukunda kuvuga iRwanda haba izuba ryinshi iyo urihunze rero uracya ntabwo igikara kikugumaho cyane nka mbere
@ teta nta soni? uracya se ninde wakubwiyeko igikara kidacyeye? uri umuswa kabisa,ubwo ubona abami n abamikazi bacu batari bakeye? uzarebe Gicanda ko hari aho wamwigeza,igikara kiza kinoze,sinzi icyo wita gucya niba ari ukwitukuza byo waba uri umusazi,kuko gucya ni ukunoga ntaho bihuriye no kwitukuza,naguhaye urugero ku bami bacu.the ben yaritukuje byo,naho ibyo ubeshya byo kuba hanze mba mu gihugu gikonja kuruta ibindi kuri iyi si kandi ndi igikara nkuko narimeze ndi i Rwanda,climate ntiguhindura ngo bigaragare cyane nkuku
Ok!ngirango mubyamurizaga harimo no kubonako urwanda rwageze aho atibwiraga ko rugera ari nacyo cyamujyanye imahana ngo agiye aho bateye imbere yaza agasanga ibyo yasuzuguraga byarateye imbere.Akwiriye kwigaya akumva ko mubyo yabonye haburaho umusanzu we.
Ariko wowe uvuga ngo yarizwaga ko yasanze u Rwanda rwareteye imbere yigeze akubwira ko atifuza ko rutera imbere?? ikindi kandi sinzi niba wari wagera mu amerika. rwatera imbere rwagira nta 1/100 y’amerika u Rwanda rufite. byibuze niyo wajya mu mujyi yo mucyaro wasanga ibibuga byindege byaho biruta kure kiriya cyikanombe. ntukavuge ibyo utazi rwose.The ben kuba muri amerika byamugiriye akamaro kanini cyane, yageze kuri byinshi atari kuba afite iyo aguma mu Rwanda. kandi nibyo kwishimira kuko iterambere rye ni ry’u Rwanda mu rusange kuko ni umunyarwanda ukunda u Rwanda.kandi burya gutanga umusanzu si ukuba mu gihugu imbere gusa.
@ nunuma ugize ngwiki? ngo ibibuga by indege byo mu cyaro cy amerika biruta kanombe!?hahhhhhhh,icyompfa n ababa hanze barabeshya ngo wumveko baba paradizo,ariko rutuku yaza iwacu ikerekana ibibi gusa,yewe iyo amerika uvuga niyo wiremeye mu mutwe wawe kuko niba ariyo nzi ibibuga biri local byinshi nirutwa na kanombe icecekere ,hah witwifatira
Umutima mubi uravurwa, uzagane abaganga. Ibyo ubona bizana impinduka ababigiramo uruhare bavanye ubumenyi muri ayo mahanga uvuma. Kuba yaragiye guhaha ubumenyi ni iby’igiciro gikomeye. Ngo inyoni itagurutse ntimenya aho uburo bweze.Sibyo?
Ikintu mfa n’aba basore ni kimwe, amaherena ko mperuka ari ay’abagore, ubu baba bahamura iki? Ubu koko ntabwo umuntu yaba umusitari (star) akareka kwigira nabi ibidakwiye? Ikaze mu Rwanda igihugu cyiza cyatubyaye.
WOWE RWEMA RERO UKWIRIYE KUNVAKO BIKWIYE KOTWAMBARA AMAHERENA KUKO NUMUTAKO UKABA N UMURIMBO UJYANYE NIKINYEJANA TURIMO!!!!NONEKO WOE WAMBARA KARUVATI UTARIHENE KWARIZO ZAMBARIBIZIRIKO!!!
OOOOOOOOOH WEL COME THE BEN
Ubwo rero ngo nawe uravuze! ubundi iyo udafite icyo uvuga urahora, ariko sinakugaya uri Hussein koko
Amaherena ntacyo atwaye… Kera n’abagore kuyambara byaraziraga. Ababyeyi bari baraduciye ngo ni iby’abanyekongo ndetse no gusuka imisatsi byari uko, no kugenda kuri moto ngo nya mwari wo gutambikiza inyuma y’abagabo. Nambaye amaherena batakiriho, ariko n’ubu ibya moto n’imisatsi ndabyirinda. Niba rero byarabaye ibigezweho reka bose biyambarire. Umuco si statique ni dynamique. Ikidahinduka ni Valeurs/indangagaciro z’ubunyarwanda.
C’est quoi la difference entre les valeurs Rwandaises et la culture rwandaise? Qui precede l’autre?
OOOOOOOOOOH WELL COME THE BENN
Gusa nanone ngo akanyoni katagurutse ntikamenya iyo bweze. Hari ibyo asanze byahindutse, abyuzuze nibyo yatarukanye iyo mu mahanga bizamwubaka kurushaho.
uyumusore se kdi yisize ibiki?kombona arigusa na jolly mutesi wagizwe miss atabikwiye
Hhhhh uzabaze Michael Jackson ibyo yisize ajya guhinduka rutuku kdi yaravutse ari rukara
AIKO KWERI MUZAHORO MUDASHIMA KUZE RYARI UYU MUTIPE YOZE AMAZI MEZA NTAGO ARI MUKOROGO
Ntiyahindutse ku ruhu n’ubusanzwe yari inzobe/imibiri yombi.
Abi nzobe abe igikara byose ntibibareba ntakidahinduka iyo ubuzima bwahindutse
kuki mwinjira mubuzima bwabandi mwisuzumye mwebwe musanga murabere? yarijijwe nurukumbuzi rwinshi ariko namwe murigaragaje
Muraho mwese?Njye ntabwo nzi The ben cyane ,ariko reka ngire icyo mvuga.Mureke kumuvuga nabi kuko aruta babandi bagiye basebya igihugu ntibanakigarukemo,uwo mwana agarutse iwabo kuko ahakunda.niba yaragiye muri buriya buryo n’ubuzima yishakiraga nkabandi bose.none se ubwo mwe muri ba miseke igoroye?mureke undi mwana ubwo nishyari mumufitiye!ko yagiye se mwigeze mwumva asebya igihugu cye nka bamwe birirwa bavuza induru kumaradio?THE BEN N’UMWANA MWIZA KUKO YIBUTSE IGIHUGU CYAMUBYAYE!aruta benshi cyne ,naho kurira ni emotion y’urukumbuzi nk’umuntu kuko s’inyamaswa.MUREKE UNDI MWANA YISHIMIRE IWABO.PLEASE!!IBIGAMBO BIKE.
Comments are closed.